کوئٹہ گلیڈی ایٹرز کے تجربہ کار بلے باز رائیلی روسو نے پاکستان سپر لیگ (پی ایس ایل) کی تاریخ میں ایک نیا سنگِ میل عبور کر لیا ہے۔
بدھ کے روز نیشنل بینک اسٹیڈیم کراچی میں پشاور زلمی کے خلاف کھیلے گئے میچ میں رائیلی روسو نے اپنے پی ایس ایل کیریئر کے 100 میچز مکمل کرلیے۔
یہ بھی پڑھیں: صائم ایوب اور بابراعظم نے پی ایس ایل کا بڑا ریکارڈ بنا دیا
وہ یہ اعزاز حاصل کرنے والے مجموعی طور پر چوتھے کھلاڑی اور لیگ کی تاریخ کے پہلے غیرملکی کرکٹر بن گئے ہیں۔
Rilee Rossouw becomes the first foreign player to reach hundred matches milestone 👏#HBLPSL11 #QGvPZ #PurpleForce pic.twitter.com/jrtmBVEqxa
— Quetta Gladiators (@TeamQuetta) April 15, 2026
اس تاریخی موقع پر کوئٹہ گلیڈی ایٹرز کے مالک ندیم عمر نے رائیلی روسو کو ایک خصوصی یادگاری ٹرافی پیش کی۔
یہ ٹرافی ایک سنہری ‘گلیڈی ایٹر ہیلمٹ’ پر مشتمل ہے جو لکڑی کے بیس پر نصب ہے، جس پر روسو کی غیر معمولی کارکردگی اور لیگ کے لیے ان کی خدمات کے اعتراف میں تعریفی کلمات درج ہیں۔
یہ بھی پڑھیں: پی ایس ایل کا لندن روڈ شو: عالمی سرمایہ کاروں کو متوجہ کرنے کی نئی سفارتی پیش رفت
رائیلی روسو، جو 2019 کے چیمپیئنز کا حصہ رہے ہیں، اپنی جارحانہ بیٹنگ اور مستقل مزاجی کی وجہ سے پی ایس ایل کے مقبول ترین غیرملکی کھلاڑیوں میں شمار کیے جاتے ہیں۔
ان کی اس کامیابی کو اسٹیڈیم میں موجود ساتھی کھلاڑیوں اور انتظامیہ نے بھرپور طریقے سے سراہا، جو ان کے لیگ کے ساتھ دیرینہ اور کامیاب تعلق کا منہ بولتا ثبوت ہے۔
