پاکستان میں کرکٹ کے سب سے بڑے میلے ایچ بی ایل پی ایس ایل (پاکستان سپر لیگ) کے کانٹے دار مقابلے جاری ہیں۔ گزشتہ روز پشاور زلمی کے اوپنرز نے لاہور قلندرز کے خلاف کھیلے گئے میچ میں پی ایس ایل کی تاریخ میں سب سے زیادہ سنچری شراکتوں کا ریکارڈ برابر کردیا۔
پشاور زلمی کے اوپنرز صائم ایوب اور بابر اعظم نے لاہور قلندرز کے خلاف پہلی وکٹ پر136 رنز کی شراکت بنائی، صائم اور بابر نے 14 ٹی 20 اننگز میں چوتھی مرتبہ 100 یا اس سے زائد رنز کی شراکت کی ہے۔
محمد رضوان اور رائیلی روسو بھی 4 مرتبہ 100 یا اس سے زائد رنز کی شراکت کی ہے تاہم انھوں نے یہ کارنامہ 16 اننگز میں انجام دیا ہے۔
یاد رہے کہ محمد رضوان اور شان مسعود بھی 28 اننگز میں 4 مرتبہ 100 یا اس سے زائد رنز کی اننگز شراکت کرچکے ہیں۔
اتوار کے روز کھیلے گئے میچ میں بابر نے 36 بالز پر 48 جبکہ صائم ایوب نے 55 گیندوں پر 82 رنز بنائے تھے جبکہ پشاور زلمی نے لاہور قلندرز کو میچ میں 8 رنز سے شکست دی۔
