چین میں ایک ایسا حیران کن اور ڈرامائی واقعہ پیش آیا ہے جس نے دیکھنے والوں کو حیرت میں ڈال دیا ہے اور سوشل میڈیا پر تیزی سے وائرل ہو رہا ہے۔ گھریلو جھگڑے کے بعد جو کچھ ہوا وہ کسی فلمی سین سے کم محسوس نہیں ہوتا۔
View this post on Instagram
مبینہ طور پر شوہر سے جھگڑے کے بعد ایک چینی خاتون نے اپنے گھر کی کھڑکی سے تقریباً ایک لاکھ 62 ہزار ہانگ کانگ ڈالر کی رقم باہر پھینک دی۔ جیسے ہی نوٹ ہوا میں بکھرے نیچے موجود لوگ انہیں جمع کرنے کے لیے دوڑ پڑے اور موقع پر ہلچل مچ گئی۔
غیر ملکی خبر ایجنسیوں کے مطابق مقامی انتظامیہ نے اس بات کی تصدیق کی ہے کہ پھینکی گئی رقم اصلی تھی۔ حکام کا کہنا ہے کہ واقعہ بظاہر گھریلو تنازع یا ذاتی پریشانی کا نتیجہ لگتا ہے، تاہم اس حوالے سے مکمل تحقیقات جاری ہیں۔
یہ انوکھا واقعہ نہ صرف مقامی سطح پر توجہ کا مرکز بنا ہوا ہے بلکہ سوشل میڈیا پر بھی صارفین اس پر حیرت اور تجسس کا اظہار کر رہے ہیں اور اس پر دلچسپ تبصرے بھی کرتے نظر آتے ہیں۔
ایک صارف نے کہا کہ ایسا سین ہماری گلیوں میں کیوں نہیں ہوتا؟ ایک اور صارف نے کہا کہ میں کبھی بھی اتنا غصہ نہیں کروں گی کہ مجھے ڈالر کھڑکی سے باہر پھینکنے پڑیں۔ جبکہ کئی صارفین کا کہنا تھا کہ یہ خاتون بہت اچھی پڑوسی ہیں اور ان کا پتہ مانگتے نظر آئے۔
