پاکستان کی معروف خاتون سائیکلسٹ نتالیہ خان 28 برس کی عمر میں انتقال کر گئیں۔ وہ گردوں کے عارضے میں مبتلا تھیں اور حال ہی میں ہونے والی سرجری کے بعد ان کی حالت مزید بگڑ گئی تھی۔
ذرائع کے مطابق نتالیہ خان کو فوری طور پر گردے کی پیوند کاری کی ضرورت تھی تاہم بیماری کے ساتھ طویل جدوجہد کے باوجود وہ جانبر نہ ہو سکیں۔ ان کی نماز جنازہ آج بعد نماز عصر لاہور میں ادا کی جائے گی۔
پاکستان سائیکلنگ فیڈریشن کے عہدیداران نے ان کے انتقال پر گہرے رنج و غم کا اظہار کرتے ہوئے مرحومہ کے درجات کی بلندی اور اہل خانہ کے لیے صبر کی دعا کی ہے۔
