واسا لاہور کو دنیا کی ٹاپ 5 واٹر یوٹیلیٹیز کی فہرست میں شارٹ لسٹ کر لیا گیا ہے جبکہ فائنل ونر کا اعلان 19 مئی کو کیا جائے گا۔
یہ بھی پڑھیں: واسا پنجاب سیوریج فلیٹ فیز ون کا افتتاح، 15 اضلاع کو مطلوبہ گاڑیاں اور مشینری کی فراہمی
ڈائریکٹر پلاننگ اینڈ ایویلیوایشن واسا مدثر جاوید کے مطابق یہ پاکستان کے لیے ایک بڑا اعزاز ہے اور اس سے نئے مواقع حاصل ہونے کی توقع ہے۔
انہوں نے بتایا کہ اس وقت لاہور میں تقریباً 3 لاکھ مین ہولز کے ڈھکن نصب ہیں تاہم روزانہ کی بنیاد پر تقریباً 150 مین ہولز کے ڈھکن غائب ہونے کی شکایات موصول ہوتی ہیں جنہیں واسا کی ٹیم دوبارہ نصب کرتی ہے۔
مزید پڑھیے: جڑواں شہروں میں بارش، واسا ہائی الرٹ، نکاسیٔ آب کے اقدامات جاری
مدثر جاوید کے مطابق واسا لاہور نے بارش کے پانی کو محفوظ بنانے کے لیے شہر میں 13 واٹر ٹینک قائم کیے ہیں جن کے ذریعے 24 ملین گیلن پانی ذخیرہ کیا جا سکے گا۔
