وفاقی تحقیقاتی ادارہ (ایف آئی اے) کراچی زون کے کارپوریٹ کرائم سرکل نے کاپی رائٹ خلاف ورزی میں ملوث عناصر کے خلاف کارروائی کرتے ہوئے ایک ملزم کو گرفتار کر لیا۔
ترجمان ایف آئی اے کے مطابق کارروائی ایم ایس بلو ٹیک الیکٹرک پرائیویٹ لمیٹڈ کی شکایت پر عمل میں لائی گئی، جس میں رجسٹرڈ کاپی رائٹ کی خلاف ورزی کی نشاندہی کی گئی تھی۔
یہ بھی پڑھیے: ‘ہارڈننگ دی اسٹیٹ’ پالیسی میں ایف آئی اے کا کردار اہم، نئی طرز کا ادارہ بنے گا، محسن نقوی
ایف آئی اے حکام نے چھاپہ مار کارروائی کے دوران تنظیم تاج نامی ملزم کو گرفتار کیا، جو مبینہ طور پر متعلقہ کمپنی کا مالک بتایا جاتا ہے۔
ترجمان کے مطابق ملزم کے قبضے سے بڑی مقدار میں ایسا مواد برآمد کیا گیا ہے جو کاپی رائٹ قوانین کی خلاف ورزی کے زمرے میں آتا ہے۔ ضبط شدہ سامان کو تحویل میں لے کر مزید قانونی کارروائی شروع کر دی گئی ہے۔
یہ بھی پڑھیے: ایف آئی اے کا مطلوب ملزمان کی گرفتاری کیلئے اے آئی سسٹم متعارف کرانے کا فیصلہ
ایف آئی اے کا کہنا ہے کہ گرفتار ملزم کے خلاف متعلقہ قوانین کے تحت مقدمہ درج کر کے کارروائی جاری ہے، جبکہ کیس کے دیگر پہلوؤں پر بھی تفتیش کی جا رہی ہے۔
ادارے کے مطابق اس نیٹ ورک میں ملوث دیگر افراد کی گرفتاری کے لیے بھی چھاپے مارے جا رہے ہیں اور تحقیقات کا دائرہ وسیع کیا جا رہا ہے۔
ترجمان ایف آئی اے نے کہا ہے کہ ادارہ دانشورانہ املاک، تجارتی حقوق اور کاپی رائٹ قوانین کے تحفظ کے لیے ایسے عناصر کے خلاف کارروائیاں جاری رکھے گا۔
