انٹرنیشنل کرکٹ کونسل (آئی سی سی) کے جنرل مینیجر وسیم خان نے اپنے عہدے سے الگ ہونے کا فیصلہ کرلیا ہے۔
میڈیا رپورٹس کے مطابق وہ جون میں اپنی ذمہ داریاں چھوڑ دیں گے، اس طرح وہ قریباً 4 سال تک اس عہدے پر خدمات انجام دینے کے بعد دستبردار ہو جائیں گے۔
وسیم خان نے 2022 میں اس عہدے کا چارج سنبھالا تھا جب جیف آلرڈائس سی ای او بنے تھے۔
اس سے قبل وہ 3 سال تک پاکستان کرکٹ بورڈ (پی سی بی) کے چیف آپریٹنگ آفیسر کے طور پر بھی کام کر چکے ہیں۔
پی سی بی میں خدمات کے بعد انہوں نے آئی سی سی کا حصہ بننے کا فیصلہ کیا تھا۔
رپورٹ کے مطابق گزشتہ 2 برسوں کے دوران آئی سی سی میں متعدد سینیئر عہدیدار اپنے عہدوں سے الگ ہو چکے ہیں، جبکہ جے شاہ کے دور میں کئی نئے افسران نے ذمہ داریاں سنبھالی ہیں۔
