ترجمان وزارتِ خارجہ کے مطابق نائب وزیراعظم و وزیر خارجہ اسحاق ڈار نے آج شام ترکیہ کے وزیر خارجہ حاقان فیدان سے ٹیلیفون پر گفتگو کی۔
یہ بھی پڑھیں: آزمائش کی گھڑی میں پاکستان ترکیہ کے ساتھ ہے‘ شہبازشریف کا طیب اردوان کو فون
دونوں رہنماؤں نے خطے کی تازہ ترین صورتحال پر تفصیلی تبادلۂ خیال کے دوران اس بات پر اتفاق کیا کہ تنازعات کے پرامن حل کے لیے مذاکرات اور سفارت کاری کو ہی واحد مؤثر راستہ سمجھا جانا چاہیے۔
DPM/FM Senator Mohammad Ishaq Dar @MIshaqDar50 spoke with Turkish Foreign Minister Hakan Fidan @HakanFidan this evening.
Both leaders exchanged views on the latest regional developments and reaffirmed the importance of dialogue and diplomacy in peaceful settlement of disputes.… pic.twitter.com/DZoCrSebiL
— Ministry of Foreign Affairs – Pakistan (@ForeignOfficePk) April 22, 2026
نائب وزیراعظم و وزیر خارجہ اسحاق ڈار نے ترک حکومت اور عوام کی جانب سے گزشتہ ہفتے ہونے والے انطالیہ ڈپلومیسی فورم کے دوران وزیراعظم شہباز شریف کی سربراہی میں شریک پاکستانی وفد کی شاندار میزبانی پر شکریہ ادا کیا۔
مزید پڑھیں:پاکستان، سعودی عرب، ترکیہ اور مصر کے درمیان مشترکہ تعاون بڑھانے پر اتفاق
انہوں نے اس موقع پر ہونے والے ریجنل فورم آف فارن منسٹرز کے تیسرے اجلاس کو بھی سراہا، جس میں ترکیہ، سعودی عرب، مصر اور پاکستان کے وزرائے خارجہ نے شرکت کی۔
دفترِ خارجہ کے مطابق دونوں رہنماؤں نے دوطرفہ تعلقات کو مزید مضبوط بنانے اور خطے میں سفارتی رابطوں کو فروغ دینے کے عزم کا اعادہ بھی کیا۔
