پاکستان سپر لیگ (پی ایس ایل) کے ایک میچ کے دوران سابق کرکٹر اور کمنٹیٹر عامر سہیل کے کراچی سے متعلق ریمارکس پر سوشل میڈیا پر شدید ردعمل سامنے آیا ہے۔
کراچی کنگز اور لاہور قلندرز کے درمیان کھیلے گئے میچ میں عامر سہیل نے کراچی میں ’پان کی پچکاری‘ کا ذکر کرتے ہوئے اسے شہر کی پہچان قرار دیا جسے صارفین نے نامناسب اور توہین آمیز قرار دیا۔
Very pathetic act by Former cricketer Aamir Sohail sb…
Disgusting really disgusting https://t.co/MebbUH9SrL— Qadir Khawaja (@iamqadirkhawaja) April 23, 2026
میچ کے دوران پاکستان کرکٹ بورڈ (پی سی بی) کی جانب سے دونوں شہروں کو خراجِ تحسین پیش کرنے والا خصوصی ویڈیو پیکیج نشر کیا گیا۔ تاہم اس کے فوراً بعد عامر سہیل نے تبصرہ کرتے ہوئے کہا کہ ’ڈائریکٹر یہ دکھانا بھول گئے ہیں کہ کراچی میں سب سے زیادہ پان کی پچکاری دیکھنے کو ملتی ہے اگر وہ نہیں ہو گی تو آپ کراچی کو درست طریقے سے پیش نہیں کر پا رہے‘۔
اس بیان پر سوشل میڈیا صارفین نے سخت ردعمل دیتے ہوئے کہا کہ کراچی پاکستان کا سب سے بڑا شہر اور ملکی معیشت کا اہم مرکز ہے اس لیے اس کے بارے میں عمومی اور منفی تاثر دینا مناسب نہیں خصوصاً ایسے موقع پر جب میچ عالمی سطح پر دیکھا جا رہا ہو۔
عماد یوسف نے کہا کہ پی ایس ایل میچ کے دوران کراچی شہر کا مذاق اڑانا نہایت افسوسناک عمل ہے۔ ان کے مطابق کراچی کو عزت دی جانی چاہیے، نہ کہ اسے تمسخر کا نشانہ بنایا جائے، خصوصاً ان افراد کی جانب سے جو عالمی سطح پر ملک کی نمائندگی کر رہے ہوتے ہیں۔ انہوں نے اس رویے کو انتہائی شرمناک قرار دیا۔
Mr Amir Sohail former cricketer, chief selector and commentator choosing to mock Karachi city on air during a Khi vs Lhr PSL match being watched globally is disappointing, to say the least.
Right after a positive PCB package celebrating both cities, he chose to bring up “pan… pic.twitter.com/tVg7uWlwC1
— Ammad Yousaf (@AmmadYousaf) April 23, 2026
ارسلان جٹ نے اسے انتہائی شرمناک حرکت قرار دیتے ہوئے کہا کہ عامر سہیل کسی سیاسی شو میں نہیں بیٹھے کہ ایسے بات کرتے، یہ انٹرنیشنل لیول کا ایونٹ ہے یہاں سے پاکستان کی مثبت تصویر پیش کرنی ہوتی ہے۔ اگر ایسے ریمارکس دینے ہیں تو کسی کے سیاسی پروگرام میں بیٹھ جائیں وہاں کوئی نہیں روکے گا۔
انتہائی شرمناک حرکت، عامر سہیل صاحب آپ کسی سیاسی شو میں نہیں بیٹھے کہ ایسے بات کرتے، یہ انٹرنیشنل لیول کا ایونٹ ہے یہاں سے پاکستان کی مثبت تصویر پیش کرنی ہوتی ہے، ایسے گھٹیہ ریمارکس دینے ہیں تو کسی کے سیاسی پروگرام میں بیٹھ جائیں، وہاں کوئی نہیں روکے گا pic.twitter.com/9wuWiNnH7h
— Arslan Jutt (@ArslanJutt43) April 24, 2026
سید مجید نامی صارف نے عامر سہیل کو مخاطب کرتے ہوئے کہا کہ آپ کمنٹری باکس میں بیٹھے ہیں اور پوری دنیا آپ کو سن رہی ہے۔ مقابلے (ریوالری) کے نام پر آپ کچھ بھی بول دیتے ہیں۔
Amir Sohail your sitting in a commentary box being heard in the entire world.
Rivalry ke naam pe kuch bhi bol dete hu.@salnaseer l @MohsinnaqviC42 l #PSL11 pic.twitter.com/SrSISUnKaP
— Syed Majeed (@Cricket_Plus_US) April 24, 2026
شہباز نامی صارف نے ناقدین کو مخاطب کرتے ہوئے کہا کہ ایسا کیا کہہ دیا عامر سہیل نے جس سے کراچی والے سب طیش میں آ گئے ہیں۔ کیا کراچی میں واقعی پان کی پچکاریاں نہیں ہوتی؟کراچی والے تو پان کی پچکاری کو اپنا سواگ سمجھتے تھے، اس میں کیا ریسز کمنٹ ہے؟ اور ساری دنیا کو پتہ ہے لاہور کراچی سے انفراسٹرکچر میں بہت اگے ہے۔
ایسا کیا کہہ دیا عامر سہیل نے جس سے کراچی والے سب طیش میں اگئے ہیں۔کیا کراچی میں واقعی پان کی پچکاریاں نہیں ہوتی؟کراچی والے تو پان کی پچکاری کو اپنا swag سمجھتے تھے اس میں کیا ریسز کمنٹ ہے؟اور ساری دنیا کو پتہ ہے لاہور کراچی سے انفراسٹرکچر میں بہت اگے ہے pic.twitter.com/XAXkvvPwlN
— Shahbaz Roy (@criccrazyme) April 24, 2026
