اسلام آباد میں جاری ایران امریکا امن مذاکرات کے باعث سیکیورٹی انتہائی سخت کر دی گئی ہے، جس کے تحت ریڈ زون میں واقع سرکاری ادارے آج بھی گھروں سے کام کریں گے۔
یہ بھی پڑھیں:فیلڈ مارشل عاصم منیر کی غیر معمولی سفارتی مہارت، امریکا ایران مذاکرات بچانے کی بھرپور کوششیں، فنانشل ٹائمز کا اعتراف
اسلام آباد ریڈ زون میں واقع تمام وزارتیں، ڈویژنز اور دیگر وفاقی ادارے آج بھی ورک فرام ہوم کریں گے۔ وفاقی آئینی عدالت اور اسلام آباد ہائیکورٹ آج بند رہے گی، جبکہ سپریم کورٹ محدود عملے کے ساتھ کام جاری رکھے گی۔
راولپنڈی اور اسلام آباد میں سیکیورٹی کے غیر معمولی انتظامات کیے گئے ہیں، جبکہ ریڈ زون بدستور ہر قسم کی ٹریفک کے لیے بند ہے۔
ذرائع کے مطابق یہ اقدامات دارالحکومت میں جاری ایران اور امریکا کے درمیان اہم مذاکرات کے تناظر میں کیے گئے ہیں، جن کے باعث سکیورٹی ہائی الرٹ پر رکھی گئی ہے۔
