کینیڈا کے ہائی کمشنر طارق علی خان نے نائب وزیراعظم اور وزیر خارجہ سینیٹر محمد اسحاق ڈار سے ملاقات کی ہے، ملاقات کے دوران کینیڈین سفیر نے علاقائی امن و استحکام کے فروغ کے لیے پاکستان کی سفارتی کوششوں اور سہولتکاری کے کردار کو سراہتے ہوئے کینیڈا کی جانب سے بھرپور حمایت کا یقین دلایا۔
یہ بھی پڑھیں: نائب وزیراعظم اسحاق ڈار کی زیر صدارت وزارت خارجہ میں اہم اجلاس، علاقائی صورتحال اور سفارتی اہداف کا جامع جائزہ
ملاقات میں پاکستان اور کینیڈا کے درمیان دوطرفہ تعلقات، حالیہ اعلیٰ سطح کے رابطوں اور مختلف شعبوں میں تعاون بڑھانے پر تبادلہ خیال کیا گیا۔
Canadian High Commissioner to Pakistan, Ambassador Tarik Ali Khan @tarikdev, called on DPM/FM, Senator Mohammad Ishaq Dar @MIshaqDar50.
Amb. Tarik Ali Khan conveyed Canada’s appreciation for, and support of, Pakistan’s efforts to facilitate engagement aimed at advancing regional… pic.twitter.com/hI9TWSu4hW
— Ministry of Foreign Affairs – Pakistan (@ForeignOfficePk) April 23, 2026
نائب وزیراعظم اسحاق ڈار نے اس موقع پر گفتگو کرتے ہوئے کہا کہ پاکستان خطے اور عالمی سطح پر پائیدار امن کے قیام کے لیے اپنی کوششیں جاری رکھنے کے لیے پرعزم ہے۔
انہوں نے دونوں ممالک کے مابین حالیہ عرصے میں ہونے والے اعلیٰ سطحی رابطوں پر اطمینان کا اظہار کیا اور اس عزم کا اعادہ کیا کہ پاکستان کینیڈا کے ساتھ اپنے دوطرفہ تعلقات کو متنوع شعبوں میں مزید مستحکم کرنے کا خواہاں ہے۔
یہ بھی پڑھیں: نائب وزیراعظم اسحاق ڈار کا مصری وزیر خارجہ سے رابطہ، خطے میں جنگ بندی پر عملدرآمد کی ضرورت پر زور
ملاقات کے اختتام پر دونوں جانب سے سفارتی و تجارتی تعلقات کو نئی بلندیوں تک لے جانے کے عزم کا اظہار کیا گیا۔
