امریکی صدر ڈونلڈ ٹرمپ نے اعلان کیا ہے کہ اسرائیل اور لبنان کے درمیان جنگ بندی 3 ہفتوں کے لیے بڑھا دی جائے گی۔
یہ بھی پڑھیں: امریکا نے اسرائیل کو لبنان پر بمباری سے روک دیا، ڈونلڈ ٹرمپ
وائٹ ہاؤس میں اسرائیل اور لبنان میں تعینات امریکا کے سفیروں اور اسرائیل و لبنان کے سفرا سے ہونے ایک میٹنگ کے بعد صحافیوں سے گفتگو کرتے ہوئے صدر ٹرمپ نے کہا کہ ہم لبنان کے ساتھ کام کرنے کو تیار ہیں تاکہ وہ حزب اللہ سے محفوظ رہ سکے۔
انہوں نے کہا کہ وہ اسرائیل کے وزیراعظم نیتن یاہو اور لبنان کے صدر جوزف عون کی میزبانی کے منتظر ہیں۔
دریں اثنا جنگ بندی میں توسیع کے حوالے سے سوشل میڈیا پر مختصر اطلاع دیتے ہوئے صدر ٹرمپ نے سفیروں سے ملاقات پر روشنی ڈالی۔ انہوں نے کہا کہ میں امریکی نائب صدر جے ڈی وینس، وزیر خارجہ مارکو روبیو، اسرائیل میں امریکی سفیر میشیل ہکابی اور لبنان میں امریکی سفیر میشیل عیسیٰ نے بھی شرکت کی۔ اجلاس میں اسرائیل اور لبنان کے اعلیٰ سطحی نمائندوں نے بھی حصہ لیا۔
مزید پڑھیے: لبنان میں جنگ بندی کا خیر مقدم، پاکستان امن کے لیے کردار جاری رکھے گا، شہباز شریف
انہوں نے کہا کہ امریکا اسرائیل اور لبنان کے درمیان جاری کشیدگی کم کرنے کے لیے سرگرم کردار ادا کرے گا جبکہ دونوں ممالک کے درمیان جنگ بندی میں مزید 3 ہفتوں کی توسیع کر دی گئی ہے۔
انہوں نے بتایا کہ وائٹ ہاؤس میں ہونے والے ایک اہم اجلاس میں امریکی نائب صدر جے ڈی وینس، وزیر خارجہ مارکو روبیو، اسرائیل میں امریکی سفیر میشیل ہکابی اور لبنان میں امریکی سفیر میشیل عیسیٰ نے بھی شرکت کی۔ اجلاس میں اسرائیل اور لبنان کے اعلیٰ سطحی نمائندوں نے بھی حصہ لیا۔
مزید پڑھیے: اسرائیل اور لبنان کے درمیان 10 روزہ جنگ بندی پر اتفاق، صدر ٹرمپ کا اعلان
صدر ٹرمپ کے مطابق یہ ملاقات نہایت کامیاب رہی اور امریکا لبنان کے ساتھ مل کر اسے حزب اللہ سے اپنے دفاع کو مضبوط بنانے میں مدد فراہم کرے گا۔
جنگ بندی میں توسیع ایسے وقت میں کی گئی ہے جب امریکا اسرائیل اور لبنان کی سرحد پر مزید کشیدگی کو روکنے کی کوششوں میں مصروف ہے جہاں گزشتہ کئی ماہ سے سرحد پار حملوں اور عسکری سرگرمیوں نے خطے میں تشویش پیدا کر رکھی ہے۔
اسرائیل اور لبنان زیادہ قریب آچکے ہیں، اسرائیلی سفیر
وائٹ ہاؤس کے اوول آفس سے گفتگو کرتے ہوئے امریکا میں اسرائیل کے سفیر یخیئیل لائٹر نے کہا کہ اسرائیل اور لبنان پہلے سے کہیں زیادہ قریب آ چکے ہیں اور دونوں ممالک آج جتنے ایک دوسرے کے قریب ہیں، ماضی میں کبھی نہیں تھے۔
یہ بھی پڑھین: نیتن یاہو صدر ٹرمپ کے ساتھ تناؤ سے بھرپور گفتگو کے بعد لبنان میں جنگ بندی پر مجبور، رپورٹ
انہوں نے امریکی صدر ڈونلڈ ٹرمپ اور نائب صدر جے ڈی وینس کا شکریہ ادا کرتے ہوئے کہا کہ اس پیشرفت کا ایک طویل عرصے سے انتظار تھا اور اس کے لیے دہائیوں سے کوششیں جاری تھیں۔
ان کا کہنا تھا کہ ہم امن کے لیے اپنی کوششیں جاری رکھیں گے اور امید ہے کہ یہ جلد حاصل ہو جائے گا۔
دوسری جانب امریکا میں لبنان کی سفیر نادا حمادہ معوّض نے بھی اس موقعے کو تاریخی لمحہ قرار دیتے ہوئے صدر ٹرمپ کا شکریہ ادا کیا۔
مزید پڑھیے: اسلام آباد مذاکرات: لبنان جنگ سب بگاڑ سکتی ہے
انہوں نے کہا کہ امریکی حمایت جاری رہی تو ہم لبنان کو دوبارہ عظیم بنا سکتے ہیں۔
