امریکا نے اسرائیل کو لبنان پر بمباری سے روک دیا، ڈونلڈ ٹرمپ

جمعہ 17 اپریل 2026
icon-facebook icon-twitter icon-whatsapp

امریکی صدر ڈونلڈ ٹرمپ کا کہنا ہے کہ امریکا نے اسرائیل کو لبنان پر حملے کرنے سے روک دیا ہے۔

یہ بھی پڑھیں: آبنائے ہرمز کھولنے پر امریکی صدر ڈونلڈ ٹرمپ ایران کے شکرگزار

صدر ٹرمپ نے اپنے سوشل میڈیا پلیٹ فارم ’ٹرتھ سوشل‘ پر ایک پوسٹ میں کہا کہ واشنگٹن لبنان کے ساتھ مل کر حزب اللہ کے مسئلے کو حل کرنے کے لیے کام کرے گا۔

انہوں نے کہا کہ ’اسرائیل اب لبنان پر بمباری نہیں کرے گا کیوں کہ امریکا نے انہیں ایسا کرنے سے روکا ہے۔ اب بہت ہو چکا!!!” ٹرمپ نے اپنی پوسٹ میں کہا یہ اعلان انہوں نے 10 دن کی جنگ بندی کے بعد کیا‘۔

یہ 10 دن کی جنگ بندی، جو واشنگٹن کی طرف سے اعلان کی گئی ہے، اسرائیلی افواج اور حزب اللہ کے درمیان دشمنی کو روکنے کے لیے ہے حالانکہ حزب اللہ اس معاہدے پر دستخط کرنے والی فریق نہیں ہے۔

مزید پڑھیے: مستقل بنیادوں پر آبنائے ہرمز کھولنے پر چین مجھ سے خوش ہے، ٹرمپ کا دعویٰ

یہ جنگ بندی ایک وسیع سفارتی کوشش کا حصہ سمجھی جا رہی ہے جس میں امریکا، اسرائیل اور ایران کے درمیان کشیدگی کو کم کرنے کی مشترکہ کوششیں شامل ہیں۔

اس معاہدے کے باوجود، میدان جنگ میں کشیدگیاں برقرار ہیں۔ اسرائیلی وزیراعظم بنیامین نیتن یاہو نے کہا کہ اسرائیل نے جنگ بندی کو سفارتی کوششوں کی حمایت میں قبول کیا ہے لیکن ساتھ انہوں نے یہ بھی کہا کہ ان کی افواج جنوبی لبنان میں تعینات رہیں گی۔

انہوں نے مزید کہا کہ اسرائیلی فوج جنوبی لبنان کی سرحد کے قریب ایک بفر زون قائم کرنے کے لیے کام کر رہی ہے جس کا دائرہ تقریباً 10 کلومیٹر تک ہوگا۔

وزیر دفاع اسرائیل کاتز نے بھی کہا کہ حزب اللہ کے خلاف مہم ابھی مکمل نہیں ہوئی ہے اور اگر لڑائی دوبارہ شروع ہوئی تو ملک کے جنگ زدہ جنوبی علاقے میں واپس جانے والے افراد کو دوبارہ نقل مکانی کرنا پڑے گا۔

مزید پڑھیں: ایران امریکا جنگ رکوانے کے لیے پاکستان کے 3 بڑوں نے کتنے ہزار کلومیٹر سفر کیا؟

کاتز نے کہا کہ لبنان میں زمینی کارروائی اور حزب اللہ پر حملوں سے اسرائیل کو کئی کامیابیاں ملی ہیں لیکن ہمارے مقاصد کی تکمیل ابھی نہیں ہوئی ہے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

بیک وقت حکومت کے مزے لینا اور اپوزیشن کرنا کھلا تضاد ہے، عطا اللہ تارڑ کا بلاول بھٹو کی پریس کانفرنس پر ردعمل

وزیراعلیٰ پنجاب مریم نواز شریف سے اسپیکر پنجاب اسمبلی ملک محمد احمد خان کی ملاقات، ترقیاتی پروجیکٹس پر گفتگو

کراچی میں ٹریفک اہلکار کا فلمی تعاقب: ٹرک ڈرائیور کی ٹکریں، پولیس کار فٹ پاتھ پر، ملزم اور ’ہیرو‘ دونوں پھنس گئے

فیلڈ مارشل سید عاصم منیر سے برطانوی چیف آف جنرل اسٹاف کی ملاقات، دفاعی تعاون مزید مضبوط بنانے کے عزم کا اعادہ  

پاکستانی روپے کی قدر میں اضافہ جاری، ڈالر کتنے کا ہوگیا؟

ویڈیو

نہیں معلوم کہ محسن بھائی کیا کرنا چاہ رہے ہیں، غیر آئینی طریقے کا ڈٹ کر مقابلہ کرنے کے لیے تیار ہیں، چیئرمین پیپلزپارٹی بلاول بھٹو

محسن نقوی اور چوہدری سالک کے درمیان کہیں رابطہ ہوا ہے، مریم نواز پنجاب کسی کو نہیں دیں گی، عامر الیاس رانا

اسلام آباد میں اب نوٹ نہیں ڈیجیٹل کوڈ چلے گا

کالم / تجزیہ

عمران خان کا خط

بھارتی ٹیم جیت گئی، بھارتی سوچ ہار گئی

ڈیل ہو جائے گی؟