وزیراعظم پاکستان شہباز شریف نے لبنان اور اسرائیل کے درمیان جنگ بندی کے اعلان کا خیر مقدم کرتے ہوئے اسے خطے میں پائیدار امن کی جانب اہم قدم قرار دیا ہے، جبکہ اقوام متحدہ کے سیکریٹری جنرل انتونیو گوتریس نے بھی جنگ بندی کو مثبت پیش رفت قرار دیتے ہوئے تمام فریقین پر اس پر مکمل عملدرآمد پر زور دیا ہے۔
I welcome the announcement of a ceasefire in Lebanon, facilitated through bold and sagacious diplomatic efforts led by President Donald Trump, and express the hope that it will pave the way for sustainable peace.
Pakistan reaffirms its unwavering support for the sovereignty and…
— Shehbaz Sharif (@CMShehbaz) April 17, 2026
وزیراعظم شہباز شریف نے اپنے بیان میں کہا ہے کہ لبنان میں جنگ بندی کے قیام میں امریکا کے صدر ڈونلڈ ٹرمپ کی قیادت میں ہونے والی سفارتی کوششوں کو سراہتے ہیں، جنہوں نے اس اہم پیش رفت میں کلیدی کردار ادا کیا۔
انہوں نے کہا کہ پاکستان لبنان کی خودمختاری اور علاقائی سالمیت کی مکمل حمایت کرتا ہے اور خطے میں دیرپا امن کے تمام اقدامات کی حمایت جاری رکھے گا۔ وزیراعظم کے مطابق یہ جنگ بندی خطے میں پائیدار امن کے لیے ایک امید افزا موقع فراہم کرتی ہے۔
یہ بھی پڑھیں:’اب امن ہونا چاہیے‘ صدر ٹرمپ کا حزب اللہ کو پیغام
دوسری جانب اقوام متحدہ کے سیکریٹری جنرل انتونیو گوتریس نے بھی لبنان اور اسرائیل کے درمیان جنگ بندی کا خیر مقدم کرتے ہوئے اسے خطے میں کشیدگی کم کرنے کی طرف ایک اہم پیش رفت قرار دیا ہے۔
انہوں نے اپنے بیان میں کہا کہ جنگ بندی نہ صرف فوری تنازع کے خاتمے میں مدد دے گی بلکہ اس سے خطے میں طویل المدتی اور جامع امن کی راہ بھی ہموار ہو سکتی ہے۔
انتونیو گوتریس نے تمام فریقین پر زور دیا ہے کہ وہ جنگ بندی کے معاہدے کی مکمل پاسداری کریں اور بین الاقوامی قوانین کا احترام یقینی بنائیں تاکہ امن کی کوششیں کامیابی سے آگے بڑھ سکیں۔
