اسٹیٹ بینک آف پاکستان نے شرح سود میں ایک فیصد اضافہ کردیا۔
مانیٹری پالیسی کمیٹی کے فیصلے کے مطابق شرح سود میں 100 بیسز پوائنٹس کا اضافہ کیا گیا، جس کے بعد یہ شرح 10.50 فیصد سے بڑھ کر 11.50 فیصد تک پہنچ گئی ہے۔
The Monetary Policy Committee decided to raise the policy rate by 100 basis points to 11.50% w.e.f 28-Apr-2026 in its meeting held on 27-Apr-2026.
— SBP (@StateBank_Pak) April 27, 2026
معاشی تجزیہ کاروں کے مطابق اس اضافے کے پیچھے بڑی وجہ مشرق وسطیٰ میں جاری کشیدگی ہے، جس کے باعث تیل کی قیمتوں میں اضافہ ہوا اور عالمی سطح پر معاشی غیر یقینی صورتحال پیدا ہوئی۔
ماہرین کا کہنا ہے کہ اس فیصلے کے اثرات مہنگائی پر بھی مرتب ہوں گے، کیونکہ پیٹرولیم مصنوعات کی قیمتوں میں اضافہ براہِ راست روزمرہ استعمال کی اشیاء کی قیمتوں کو متاثر کرتا ہے۔
