وفاقی آئینی عدالت کے ججز کا فل کورٹ اجلاس چیف جسٹس امین الدین کی سربراہی میں منعقد ہوا، جس میں ججز کے ساتھ رجسٹرار حفیظ اللہ خان نے بھی شرکت کی۔
اجلاس میں عدالتی کارکردگی بہتر بنانے اور اہم فیصلوں پر غور کیا گیا۔
فل کورٹ نے مقدمات کے جلد فیصلوں اور بیک لاگ کے خاتمے پر زور دیتے ہوئے بینچز کو مؤثر کیس مینجمنٹ اپنانے کی ہدایت جاری کی۔
اجلاس میں بی ایس 8 تا 16 کے عملے کی تربیت کو سراہا گیا، جبکہ آئی ٹی، نظم و ضبط اور اخلاقیات پر خصوصی توجہ دینے پر بھی زور دیا گیا۔
اجلاس میں شفافیت اور پیشہ ورانہ معیار برقرار رکھنے کے عزم کا اعادہ کیا گیا۔
