چاہت فتح علی خان جو مقبول گانوں کی مزاحیہ پیشکش کے لیے مشہور ہیں، انہوں نے اب اپنی موسیقی کے ذریعے فوج کا حوصلہ بڑھانے کی کوشش کی ہے۔
چاہت فتح علی خان نے پاک فوج سے اظہار یکجہتی کے لیے ’’اے مرد مجاہد جاگ ذرا اب نغمہ چاہت ہے آیا‘‘ جاری کر دیا۔
چاہت فتح علی خان کے تازہ ریلیز ہونے والے ’’نغمہ چاہت‘‘ نے بھی سوشل میڈیا صارفین کی توجہ اپنی طرف مبذول کروا لی ہے۔
Ye Jo PAK Army Hai
New Milli Naghma
( released ) pic.twitter.com/5gaKxiipPt— Chahat Fateh Ali Khan (@chahat_fateh) June 6, 2023
ایک صارف نے لکھا کہ ابھی تھوڑی دیر قبل میری ائیر چیف سے بات ہوئی اور انہوں اس بات کا گلہ کیا کہ استاد چاہت فتح علی خان نے اپنے ملی نغمے میں صرف پاک آرمی کا ذکر کر کے باقی افواج پاکستان کا دل دکھایا ہے۔ میرا کام تھا کہ میں ان گلہ آپ کا سب لوگوں تک پہنچا دوں۔
ابھی تھوڑی دیر قبل میری ائیر چیف سے بات ہوئی اور انہوں اس بات کا گلہ کیا کہ استاد چاہت فتح علی خان نے اپنے ملی نغمے میں صرف پاک آرمی کا ذکر کر کے باقی افواج پاکستان کا دل دکھایا ہے۔ میرا کام تھا کہ میں ان گلہ آپ سب لوگوں تک پہنچا دوں
— Maverick Ali (@maverickali) June 7, 2023
اعجاز اقبال نامی ٹوئٹر صارف نے لکھا کہ ٹیلنٹ کے بے تاج بادشاہ ہو آپ، کاش! آپ کا یہ نغمہ ٹی وی پر چلے تاکہ بندہ چینل تو بدل سکے۔ کمال ہی کر گئے ہو چاہت فتح علی خان صاحب ایسی آواز بہت کم سنی ہے صدیوں بعد کوئی کوئی صور سنا ہے
ٹیلنٹ کے بے تاج بادشاہ ہو آپ، کاش آپ کا یہ نغمہ ٹی وی پر چلے تاکہ بندہ چینل تو بدل سکے۔ کمال ہی کر گئے ہو چاہت فتح علی خان صاحب
ایسی آواز بہت کم سنی ہے صدیوں بعد کوئی کوئی صور سنا ہے— Ijaz iqbal❤ (@ijazz2001) June 6, 2023
حامد نامی ٹوئیٹر صارف نے اپنی ٹویٹ میں ان کے نغمے کو شاہکار قرار دیا ہے
Another Masterpiece by legend Chahat Fateh Ali Khan lakhon dilon ki jaan❤️❤️
— Hamid. (@hey_hamidd) June 7, 2023
اگرچہ چاہت فتح علی خان کا تعلق کسی بھی طرح سے نصرت فتح علی خان خاندان سے نہیں ہے، لیکن ان کے مخصوص نام اور مقبول گانوں کی پیروڈی بنانے کی ان کی صلاحیتوں نے خاصی توجہ حاصل کی۔
چاہت فتح علی خان جن کا اصل نام کاشف رانا ہے، اپنے منفرد انداز میں گانے کی وجہ سے اکثر میڈیا کی توجہ کا مرکز بنے رہتے ہیں۔
گزشتہ سال کاشف رانا ’چاہت فتح علی خان‘ کے نام سے سوشل میڈیا پر وائرل ہوئے تھے۔
ان کے ایک تفریحی گانے کی ویڈیو نے سوشل میڈیا پر لاکھوں لوگوں کو اپنی طرف متوجہ کیا تھا۔
رواں سال کے آغاز میں انہوں نے پاکستان سپر لیگ کے لیے بھی ایک گانا گایا۔
