190 ملین پاؤنڈ نیب کیس میں بانی پی ٹی آئی عمران خان اور ان کی اہلیہ بشریٰ بی بی کو سزا کے خلاف اپیلیں سماعت کے لیے اسلام آباد ہائی کورٹ میں مقرر کردی گئی ہیں۔
اسلام آباد ہائیکورٹ کے چیف جسٹس سردار سرفراز ڈوگر اور جسٹس محمد آصف کل اس کیس کی سماعت کریں گے۔
رجسٹرار آفس کی جانب سے دونوں درخواستوں کو باقاعدہ سماعت کے لیے مقرر کرتے ہوئے کاز لسٹ جاری کردی گئی ہے۔ اس سے قبل یہ کیس 22 اپریل کو سماعت کے لیے مقرر تھا۔
دوسری جانب عمران خان کے وکیل خالد یوسف چوہدری نے کہا ہے کہ القادر ٹرسٹ کیس میں عمران خان کو سزا کے خلاف اپیل پر سماعت کل دوپہر 12 بجے اسلام آباد ہائیکورٹ کے کمرہ عدالت نمبر ایک میں 2 رکنی بینچ کے سامنے مقرر ہے۔
30.04.2026
جناب عمران خان مقدمات۔القادر ٹرسٹ کیس کی سماعت کل 12 بجے روبرو دو رکنی بینچ کورٹ روم نمبر ۱ اسلام آباد ہائی کورٹ میں مقرر ہے۔
اس کیس میں اس سے قبل 18 سماعتیں ہو چکی ہیں مگر درخواست ضمانت پر تاحال باقاعدہ سماعت نہ کی گئی ہے۔ pic.twitter.com/IzUHb7KEQ7— Khalid Yousaf Chaudry (@KhalidYChaudry) April 29, 2026
وکیل کے مطابق اس کیس میں اب تک 18 سماعتیں ہو چکی ہیں تاہم ضمانت کی درخواست پر تاحال باقاعدہ سماعت نہیں ہو سکی۔
