وزیراعظم پاکستان شہباز شریف نے عراق کے نو منتخب وزیراعظم علی الزیدی کو عہدہ سنبھالنے پر مبارکباد دیتے ہوئے نیک خواہشات کا اظہار کیا ہے۔ انہوں نے کہا ہے کہ پاکستان اپنے برادر ملک عراق کے ساتھ تعلقات کو مزید مضبوط بنانے کا خواہاں ہے۔
I congratulate my brother H.E. Mr. Ali al-Zaidi on his appointment as Prime Minister of Iraq. I extend my warm wishes to him as he assumes this important responsibility.
Pakistan looks forward to working closely with the new Iraqi government to further strengthen our bilateral…
— Shehbaz Sharif (@CMShehbaz) May 2, 2026
وزیراعظم شہباز شریف نے اپنے سوشل میڈیا پیغام میں علی الزیدی کو عراق کا وزیراعظم منتخب ہونے پر مبارکباد دی اور کہا کہ وہ اس اہم ذمہ داری کو سنبھالنے پر ان کے لیے نیک تمناؤں کا اظہار کرتے ہیں۔
وزیراعظم نے اپنے بیان میں مزید کہا کہ پاکستان نئی عراقی حکومت کے ساتھ قریبی تعاون کا خواہاں ہے تاکہ دونوں ممالک کے درمیان دوطرفہ تعلقات کو مزید فروغ دیا جا سکے اور خطے میں امن، استحکام اور خوشحالی کے مشترکہ اہداف کو آگے بڑھایا جا سکے۔
یہ بھی پڑھیں:عراق نے 40 سال بعد فٹبال ورلڈ کپ کے لیے کوالیفائی کرلیا، ترکیہ کا 24 سالہ انتظار ختم
انہوں نے اس امید کا اظہار بھی کیا کہ پاکستان اور عراق مستقبل میں مختلف شعبوں میں تعاون کو مزید وسعت دیں گے، جس سے دونوں ممالک کے عوام کو فائدہ پہنچے گا۔
