اسلام آباد پولیس نے شہر بھر میں جرائم پیشہ عناصر اور منظم گینگز کے خلاف جاری مربوط کارروائیوں کے دوران ایک بڑی کامیابی حاصل کی ہے۔ اینٹی وہیکل لفٹنگ یونٹ نے کار چوری کی متعدد وارداتوں میں ملوث ایک منظم گروہ کے چار ارکان کو گرفتار کرلیا ہے۔
یہ بھی پڑھیں: اسلام آباد پولیس کی جرائم پیشہ اور غیر قانونی مقیم افراد کے خلاف کارروائی، افغان شہروں سمیت سینکڑوں منشیات فروش گرفتار
گرفتار ملزمان کی شناخت ذیشان، رضوان، اعجاز اور عبدالمالک کے ناموں سے ہوئی ہے جنہوں نے ابتدائی تفتیش کے دوران شہر کے مختلف علاقوں میں چوری کی متعدد وارداتیں کرنے کا اعتراف کیا ہے۔
پولیس حکام کے مطابق گرفتار ملزمان کے قبضے سے لاکھوں روپے مالیت کی 6 مسروقہ گاڑیاں برآمد کرلی گئی ہیں۔
اس حوالے سے ایس ایس پی انویسٹی گیشن محمد عثمان طارق بٹ کا کہنا ہے کہ منظم اور متحرک گینگز کے خلاف بڑے پیمانے پر آپریشن جاری ہے اور شہریوں کو ان کے قیمتی اثاثوں سے محروم کرنے والوں کے خلاف بلا امتیاز کارروائی کی جارہی ہے۔
یہ بھی پڑھیں: اسلام آباد پولیس کی بڑی کارروائی، ڈرفٹنگ میں ملوث ملزمان گرفتار، گاڑیاں ضبط
انہوں نے مزید کہا کہ گرفتار ملزمان کو قرار واقعی سزا دلوانے کے لیے تمام قانونی تقاضے سختی سے پورے کیے جائیں گے تاکہ شہریوں کے جان و مال کا تحفظ یقینی بنایا جاسکے۔
