اسلام آباد پولیس نے وفاقی دارالحکومت کے مختلف علاقوں میں بڑے پیمانے پر سرچ آپریشنز کرتے ہوئے سینکڑوں غیر قانونی مقیم افغان شہریوں اور ہزاروں مشکوک افراد کو حراست میں لے لیا ہے۔
یہ بھی پڑھیں: اسلام آباد پولیس کی بڑی کارروائی، ڈرفٹنگ میں ملوث ملزمان گرفتار، گاڑیاں ضبط
ترجمان اسلام آباد پولیس کی جانب سے جاری کردہ تفصیلات کے مطابق سال 2026 کے ابتدائی چار ماہ کے دوران شہر کے مختلف حصوں میں مجموعی طور پر 685 سرچ آپریشنز کیے گئے، جن کا مقصد امن و امان کی صورتحال کو برقرار رکھنا اور جرائم پیشہ عناصر کی سرکوبی کرنا تھا۔ ا
ن کارروائیوں کے دوران 65 ہزار 581 افراد کی شناخت پریڈ کی گئی جبکہ 28 ہزار 603 گھرانوں کی مکمل چیکنگ کی گئی۔
آئی جی اسلام آباد کے احکامات پر جرائم پیشہ عناصر اور غیر مقیم افراد کے خلاف اسلام آباد کے مختلف علاقوں میں بڑے پیمانے پر مشترکہ گرینڈ کومبنگ سرچ آپریشنز جاری۔
سال 2026 کے پہلے 04 ماہ میں 685 کومنگ سرچنگ آپریشنز کیے گئے
سرچ آپریشن کے دوران 65581 افراد ، 28603 گھرانوں، 7688… pic.twitter.com/hS0lOMpU0M
— Islamabad Police (@ICT_Police) May 3, 2026
پولیس رپورٹ میں بتایا گیا ہے کہ سیکیورٹی آڈٹ کے دوران شہر بھر میں 7 ہزار 688 دکانوں اور 2 ہزار 596 ہوٹلوں کی بھی تلاشی لی گئی۔ ان سرچ آپریشنز کے نتیجے میں 370 غیر قانونی طور پر مقیم افغان باشندوں اور 3 ہزار 348 مشکوک افراد کو فوری طور پر تھانوں منتقل کردیا گیا جہاں ان سے مزید تفتیش کی جا رہی ہے۔
یہ بھی پڑھیں: اسلام آباد پولیس کی کارروائیاں، جرائم پیشہ عناصر اور غیر قانونی مقیم افراد کے گرد گھیرا تنگ
ان کارروائیوں میں منشیات فروشوں کے خلاف بھی اہم کامیابیاں حاصل ہوئی ہیں، جن کے قبضے سے 7 کلو چرس، 6 کلو ہیروئن اور 5 کلو آئس برآمد کی گئی ہے۔ پولیس حکام کا کہنا ہے کہ شہر میں شہریوں کے جان و مال کے تحفظ کو یقینی بنانے کے لیے اس قسم کے آپریشنز کا سلسلہ مستقبل میں بھی جاری رکھا جائے گا۔
