سعودی خاتون مشعال اکرم عبدالرشید نیپال میں آج ’ماؤنٹ ایورسٹ انٹرنیشنل یوگا چیمپئن شپ‘ میں ریفری کی خدمات سرانجام دے کر تاریخ رقم کر رہی ہیں۔
ایونٹ کے دوسرے ایڈیشن کا اہتمام ’نیپال یوگا ایسوسی ایشن‘ اور ’انٹرنیشنل یوگا اسپورٹس فیڈریشن‘ نے کیا ہے۔
مشعال اکرم سعودی عرب کے پہلے بیچ کی 19 خواتین اور 2مرد یوگاسنا ریفریوں میں شامل ہیں جو اکتوبر 2022 کو ریاض میں ہونے والی ایک تقریب میں گریجویٹ ہوئے۔
سعودی یوگا کمیٹی کی صدر نوف المروائی نے کہا کہ انہیں اس بات پر فخر ہے کہ مشعال اکرم سعودی ٹیم کے ساتھ پہلی بار کسی بین الاقوامی چیمپئن شپ میں حصہ لیں گی۔
انہوں نے بتایا کہ زیادہ سعودیوں کو مقامی، علاقائی اور بین الاقوامی چیمپئن شپ میں فرائض انجام دینے کے لیے ریفری کے طور پر اہل بنانے کے لیے کافی منصوبہ بندی کی گئی تھی۔
مزید پڑھیں
’سعودی کنگڈم کے تمام حصوں میں یوگا پریکٹیشنرز اور پیشہ ور افراد کی بڑھتی ہوئی تعداد کے ساتھ، مقامی چیمپئن شپ کے لیے مرد اور خواتین ریفریوں کے قومی کیڈرز(ٹیموں) کو لیس کرنے کی فوری ضرورت ہے۔‘
نوف المروائی نے بتایا کہ اس مقصد کو حاصل کرنے کے لیے، سعودی یوگا کمیٹی نے ایشین یوگا فیڈریشن کے ماہرین کی میزبانی کی تاکہ تربیتی کورسز کے ذریعے دونوں جنسوں کے نوجوان کیڈرز (ٹیموں) کو اہل بنایا جاسکے۔
مشعال اکرم یوگا کمیٹی کے قیام کے بعد سے کسی بین الاقوامی چیمپئن شپ میں حصہ لینے والی پہلی سعودی ریفری ہوں گی، حالانکہ نوف بنت محمد المروی اس کے سیٹ اپ سے قبل اس سطح پر فرائض انجام دے چکی تھیں۔
