پاکستان کے اسٹار فاسٹ بولر شاہین شاہ آفریدی نے ورلڈ ٹیسٹ چیمپیئن شپ میں نئی تاریخ رقم کرتے ہوئے ایک بڑا اعزاز اپنے نام کر لیا۔ بنگلہ دیش کے خلاف ڈھاکہ ٹیسٹ میں انہوں نے 100 وکٹیں مکمل کر کے یہ کارنامہ انجام دینے والے پہلے پاکستانی بولر بننے کا اعزاز حاصل کر لیا۔
یہ بھی پڑھیں:دنیا کے وسیع تر مفاد و قیام امن کے لیے پاکستان کی قیادت کا کردار قابلِ فخر ہے، شاہین آفریدی
ڈھاکہ میں کھیلے جا رہے پہلے ٹیسٹ میچ کے دوران بائیں ہاتھ کے فاسٹ بولر شاہین شاہ آفریدی نے ورلڈ ٹیسٹ چیمپیئن شپ میں اپنی 100 ویں وکٹ حاصل کر کے اہم سنگِ میل عبور کیا۔
شاہین نے یہ تاریخی وکٹ بنگلہ دیشی اوپنر محمود الحسن جوئے کو آؤٹ کر کے حاصل کی۔ اس کامیابی کے ساتھ وہ ورلڈ ٹیسٹ چیمپیئن شپ کی تاریخ میں 100 وکٹیں مکمل کرنے والے پہلے پاکستانی بولر بن گئے۔
.@iShaheenAfridi becomes the first Pakistani bowler to take 1️⃣0️⃣0️⃣ wickets in ICC World Test Championship 🎯#BANvPAK pic.twitter.com/VJmdiqBi8O
— Pakistan Cricket (@TheRealPCB) May 8, 2026
26 سالہ فاسٹ بولر مجموعی طور پر ورلڈ ٹیسٹ چیمپیئن شپ میں 100 وکٹیں لینے والے 19 ویں بولر بھی بن گئے ہیں۔
دوسری جانب پہلے ٹیسٹ کے ابتدائی روز بنگلہ دیش نے مضبوط بیٹنگ کا مظاہرہ کیا۔ میزبان ٹیم کی جانب سے نجم الحسن شانتو نے شاندار سنچری اسکور کی جبکہ مومن الحق نے نصف سنچری بنائی۔
یہ بھی پڑھیں:بنگلہ دیش کے خلاف کونسے 3 کھلاڑی ڈیبیو کررہے ہیں؟ کپتان شاہین آفریدی نے اعلان کردیا
دن کے اختتام پر بنگلہ دیش نے 85 اوورز میں 4 وکٹوں کے نقصان پر 301 رنز بنا لیے تھے۔ مشفیق الرحیم 48 رنز کے ساتھ ناٹ آؤٹ رہے جبکہ لٹن داس 8 رنز بنا کر کریز پر موجود تھے۔
