وزیراعظم شہباز شریف 23 سے 25 مئی تک چین کا اہم سرکاری دورہ کریں گے جس کے دوران دونوں ممالک کے درمیان تعلقات، اقتصادی تعاون اور اسٹریٹجک شراکت داری پر تفصیلی بات چیت ہوگی۔
یہ بھی پڑھیں:شہباز شریف چین کے اہم دورے پر روانہ، پاک چین تعاون اور سرمایہ کاری پر بات چیت ہوگی
میڈیا رپورٹ کے مطابق دورے کے دوران وزیراعظم شہباز شریف چینی صدر شی جن پنگ اور وزیراعظم لی چیانگ سے ملاقات کریں گے۔ ان ملاقاتوں میں پاک چین تعلقات کے تمام پہلوؤں کا جائزہ لیا جائے گا۔
وزیراعظم اس موقع پر پاکستان اور چین کے درمیان سفارتی تعلقات کے 75 سال مکمل ہونے کی تقریبات میں بھی شرکت کریں گے، جو دونوں ممالک کی دیرینہ دوستی کی علامت ہیں۔
دورے کے دوران سی پیک منصوبے، تجارت، سرمایہ کاری اور مختلف شعبوں میں تعاون بڑھانے پر بھی اہم پیشرفت متوقع ہے۔ اس کے علاوہ متعدد معاہدوں اور مفاہمتی یادداشتوں پر دستخط کا امکان بھی ظاہر کیا جا رہا ہے۔
میڈیا رپورٹ کے مطابق یہ دورہ پاکستان اور چین کے درمیان اقتصادی و اسٹریٹجک تعلقات کو مزید مضبوط بنانے میں اہم کردار ادا کرے گا۔
