برٹش پاکستانی خاتون سعدیہ سادات نے انگلینڈ کے مقامی انتخابات میں تاریخی کامیابی حاصل کرتے ہوئے لندن کی نواحی کونسل ریڈنگ کے وارڈ کیورشم ہائٹس سے پہلی مسلمان اور پاکستانی کونسلر منتخب ہونے کا اعزاز اپنے نام کرلیا۔
مزید پڑھیں:انگلینڈ میں چکنائی سے بھرپور دودھ کی مانگ میں اضافہ، وجہ کیا ہے؟
سعدیہ سادات اس وارڈ سے کامیابی حاصل کرنے والی واحد پاکستانی اور مسلم خاتون کونسلر ہیں۔ وہ گزشتہ 20 برس سے برطانیہ میں مقیم ہیں اور سماجی و عوامی خدمات میں سرگرم کردار ادا کرتی رہی ہیں۔
انہوں نے اپنی کامیابی کو اپنے والد ظفر سادات کے نام کرتے ہوئے کہا کہ یہ کامیابی والد کی حوصلہ افزائی، اعتماد اور مسلسل حمایت کا نتیجہ ہے۔
میڈیا سے گفتگو میں سعدیہ سادات نے کہا کہ وہ اپنے حلقے کے عوام کے اعتماد پر بے حد شکر گزار ہیں اور عوامی خدمت کے لیے بھرپور انداز میں کام جاری رکھیں گی۔
