سوشل میڈیا پر پاکستان میں ہونے والی ایک مہندی تقریب کی ویڈیو وائرل ہونے کے بعد ثقافتی روایات پر نئی بحث چھڑ گئی۔ ویڈیو میں دیوں سے سجی مہندی کی تھالیاں اسٹیج کی جانب لے جائی جا رہی تھیں جس پر ایک صارف نے اسے بھارتی رسمِ آرتی سے تشبیہ دیتے ہوئے تبصرہ کیا کہ ’پاکستان میں ثقافتی شناخت کا بحران پیدا ہو چکا ہے۔ آرتی جیسی رسومات سے مہندی کی تقریبات تک سب کچھ بدل رہا ہے‘۔
Identity crisis in Pakistan :- from aarti rituals to mehndi celebrations. pic.twitter.com/GOCyoXyr8x
— THE UNKNOWN MAN (@Theunk5555) May 11, 2026
تاہم اس تبصرے کے بعد متعدد پاکستانی صارفین نے اس مؤقف سے اختلاف کرتے ہوئے واضح کیا کہ ویڈیو میں دکھائی دینے والی رسم ہندو مذہبی روایت نہیں بلکہ برصغیر خصوصاً پاکستان کی روایتی مہندی تقریبات کا حصہ ہے جو دہائیوں سے مختلف علاقوں میں رائج ہے۔
صحافی شفا یوسفزئی نے بھی اس بحث پر ردِعمل دیتے ہوئے کہا کہ اسے ’شناخت کا بحران‘ قرار دینا درست نہیں۔ ان کے مطابق ویڈیو میں موجود تھالیاں دراصل مہندی کی روایتی تھالیاں ہیں جنہیں دیوں سے سجایا گیا ہے اور انہیں تقریب کے دوران اسٹیج یا ڈانس فلور کی جانب لے جایا جاتا ہے۔
یہ بھی پڑھیں: رحیم یار خان میں دن دیہاڑے 14 سالہ لڑکی کا مبینہ اغوا، ویڈیو وائرل ہونے پر شدید عوامی ردعمل
انہوں نے مزید وضاحت کی کہ عموماً ان تھالیوں کو پہلے ڈانس فلور کے وسط میں رکھا جاتا ہے جہاں روایتی لُڈّی اور ثقافتی رقص کیا جاتا ہے جبکہ بعد ازاں انہی تھالیوں میں موجود مہندی رسم کے لیے استعمال ہوتی ہے۔
ان کے بقول یہ روایت پاکستان بھر میں برسوں سے مہندی کی تقریبات کا حصہ چلی آ رہی ہے اور اسے کسی دوسری مذہبی رسم سے جوڑنا مناسب نہیں۔
Thats not identity crisis… these are mehndi thalis with diyas being taken towards the stage – will be most probably placed in the middle of the dance floor first for cultural luddi dance around these thals and later for mehndi ritual mehndi from these thals will be used. Has… https://t.co/jEWz4f5nvG
— Shiffa Z. Yousafzai (@Shiffa_ZY) May 11, 2026
صباحت نامی صارف کا کہنا تھا کہ یہ کوئی آرتی کی رسم نہیں بلکہ دیوں سے سجی مہندی کی روایتی تھالیاں ہیں جو تقریب میں لائی جاتی ہیں۔ مایوں، مہندی، ڈھولک، گھوڑی چڑھنا، اُبٹن، ہلدی اور مہندی لگانا جیسی بے شمار رسومات برصغیر خصوصاً پنجابی ثقافت کا حصہ رہی ہیں۔ پاکستان کی اکثریتی آبادی پنجابیوں پر مشتمل ہے اور یہ روایات صدیوں سے یہاں کی شادی بیاہ کی تقریبات میں شامل چلی آ رہی ہیں۔
It’s not an aarti ritual. They’re bringing in the mehndi that is brought in with diyas. Maayoon, mehndi, dholak, ghori charhna, ubtan/haldi/mehndi lagaana, vail dena, and a lot else are all part of our syncretic culture.
60% of Pakistan is Punjabi. These are Punjabi traditions.… https://t.co/V5J4UKHeJV— Sabahat Zakariya (@sabizak) May 11, 2026
ایک سوشل میڈیا صارف کا کہنا تھا کہ یہ آرتی نہیں ہے۔ تھالی کے درمیان واضح طور پر مہندی رکھی ہوئی دیکھی جا سکتی ہے۔ صرف دیے موجود ہونے سے ہر چیز آرتی کی تھالی نہیں بن جاتی۔ پنجابی شادیوں میں مہندی کے ساتھ دیے سجانا اور جلانا ایک عام اور پرانی روایت ہے۔ ہر ثقافتی روایت کو فوراً کسی دوسری مذہبی رسم سے جوڑ دینا بھی عجیب ہے۔
Bitch that's not aarti😭 There is literally a bowl of mehendi in the middle of that plate. Just because there are diyas in it doesn't mean it's an aarti ki thaali. It's a common mehendi ritual in punjabi weddings here to lit diyas in mehendi. Ajeeb superiority complex hai😭 https://t.co/9BlyyNfisZ pic.twitter.com/4oHn8Hz7S3
— Suraj Mukhi🌻 (@tuktuktales0) May 11, 2026
