پاکستان ویمنز ٹیم نے زمبابوے کو پہلے ٹی 20 میں 153رنز سے شکست دے دی ہے۔
نیشنل بینک اسٹیڈیم کراچی میں کھیلے گئے پہلے ٹی20 انٹرنیشنل میں پاکستان ویمن ٹیم نے زمبابوے کو 153 رنز کے بڑے مارجن سے عبرتناک شکست دے کر 3 میچوں کی سیریز میں 0-1 کی برتری حاصل کر لی ہے۔
یہ بھی پڑھیں: پاک ویمنز نے مینز ٹیم کو پیچھے چھوڑ دیا، ٹی 20 میچ میں 237 رنزکا ہائیسٹ ٹوٹل
عائشہ ظفر کی ناقابلِ شکست سنچری اور کپتان فاطمہ ثنا کی تباہ کن باؤلنگ کی بدولت میچ مکمل طور پر یکطرفہ ثابت ہوا۔
🏏 Fastest century for Pakistan Women!
Ayesha Zafar brings up her maiden T20I 100 off 47 balls and becomes the 2nd woman to score a T20I century for 🇵🇰
Sign up now: https://t.co/Z0RXSR7gYM
iOS app: https://t.co/RpeYQPshnh
Android app: https://t.co/5mBlUcoG8g#JeetKaSafar |… pic.twitter.com/MMyFeUElom— Pakistan Cricket (@TheRealPCB) May 12, 2026
پاکستان نے ٹاس جیت کر پہلے بیٹنگ کا فیصلہ کیا جو کہ درست ثابت ہوا۔ اوپنر عائشہ ظفر نے زمبابوین باؤلرز کی ایک نہ چلنے دی اور محض 47 گیندوں پر 15 چوکوں اور 2 چھکوں کی مدد سے 102 رنز کی جارحانہ اننگز کھیلی۔
ان کا بھرپور ساتھ عالیہ ریاض نے دیا جنہوں نے صرف 23 گیندوں پر 48 رنز بٹورے۔ گل فیروزہ کے 37 رنز کی بدولت پاکستان نے مقررہ 20 اوورز میں 5 وکٹوں پر 237 رنز کا پہاڑ جیسا مجموعہ کھڑا کیا۔
💫 Ayesha Zafar raises her bat after a brilliant maiden T20I fifty 🇵🇰🔥
Sign up now: https://t.co/Z0RXSR7gYM
iOS app: https://t.co/RpeYQPshnh
Android app: https://t.co/5mBlUcoG8g#JeetKaSafar | #PAKWvZIMW | #BackOurGirls pic.twitter.com/gmzjEXgqOu— Pakistan Cricket (@TheRealPCB) May 12, 2026
238 رنز کے تعاقب میں زمبابوے کی بیٹنگ لائن شروع سے ہی لڑکھڑا گئی اور پوری ٹیم 18.2 اوورز میں صرف 84 رنز بنا کر ڈھیر ہو گئی۔ مہمان ٹیم کی جانب سے نتاشا مٹومبا 24 رنز بنا کر نمایاں رہیں، جبکہ 6 کھلاڑی دہائی کا ہندسہ بھی پار نہ کر سکے۔
پاکستان کی جانب سے کپتان فاطمہ ثناء نے عمدہ اسپیل کرتے ہوئے 3 اوورز میں صرف 7 رنز دے کر 3 وکٹیں حاصل کیں۔ سعدیہ اقبال اور نتالیہ پرویز نے 2، 2 کھلاڑیوں کو آؤٹ کیا جبکہ رمیین شمیم نے ایک وکٹ حاصل کی۔
عائشہ ظفر کو ان کی شاندار سنچری پر میچ کی بہترین کھلاڑی قرار دیا گیا۔ سیریز کا دوسرا میچ 14 مئی کو اسی میدان پر کھیلا جائے گا۔
