ایک 25 سالہ خاتون کی جانب سے انسٹاگرام پر شیئر کی گئی ویڈیو وائرل ہو گئی ہے جس میں وہ دعویٰ کرتی ہیں کہ ان کے اہلِ خانہ اور رشتہ دار انہیں شادی کے حوالے سے بار بار دباؤ کا سامنا کروا رہے ہیں اور یہ کہہ رہے ہیں کہ وہ اب ’زیادہ عمر‘ کی ہو رہی ہیں لہٰذا انہیں جلد از جلد شادی کر لینی چاہیے۔
یہ ویڈیو انسٹاگرام صارف رشمی راج نے شیئر کی نے پوسٹ کی جس میں ایک نجی خاندانی گفتگو کو دکھایا گیا ہے۔ ویڈیو میں سنا جا سکتا ہے کہ رشتہ دار انہیں خبردار کر رہے ہیں کہ عمر بڑھنے کے ساتھ ان کی خوبصورتی ماند پڑ جائے گی اور دیر سے شادی کرنے کی صورت میں مستقبل میں حمل سے متعلق پیچیدگیاں پیدا ہو سکتی ہیں۔
View this post on Instagram
خاتون نے اپنی پوسٹ میں لکھا کہ ان کے گھر آنے والے رشتہ دار انہیں مسلسل شادی کے مشورے دیتے ہیں تاہم ان کی تعلیم یا کیریئر کے بارے میں کوئی حوصلہ افزائی نہیں کی جاتی۔ انہوں نے مزید کہا کہ ان کے اہلِ خانہ ان کی پیشہ ورانہ ترقی کے بجائے ان کی ظاہری عمر اور ازدواجی مستقبل پر زیادہ توجہ دیتے ہیں۔
یہ ویڈیو لاکھوں ویوز حاصل کر چکی ہے۔ ہزاروں افراد نے اس پر مختلف آراء کا اظہار کیا ہے۔ سوشل میڈیا صارفین کی ایک بڑی تعداد نے اس موضوع پر اپنی رائے دیتے ہوئے خاندانی دباؤ اور شادی سے متعلق سماجی توقعات پر بحث کی ہے۔
بعض صارفین نے اس رویے کو سماجی دباؤ قرار دیتے ہوئے خاتون کی حمایت کی جبکہ کچھ نے اسے روایتی خاندانی سوچ سے تعبیر کیا۔
