پاکستان پیپلزپارٹی کے چیئرمین بلاول بھٹو زرداری آج صوبہ بلوچستان کے دارالحکومت کوئٹہ میں شعبہ صحت سے متعلق 11 اہم اور بڑے عوامی منصوبوں کا افتتاح کریں گے۔ اس سلسلے میں وزیراعلیٰ ہاؤس کوئٹہ میں ایک پروقار تقریب شام 4 بجے منعقد ہوگی، جس میں صوبائی وزرا، اعلیٰ حکام، طبی ماہرین اور مختلف شعبہ ہائے زندگی سے تعلق رکھنے والی شخصیات شرکت کریں گی۔
یہ بھی پڑھیں:’بلاول بھٹو کو شازیہ مری سے معذرت کرنی چاہیے‘، پریس کانفرنس کے دوران سخت رویے پر چیئرمین پیپلز پارٹی تنقید کی زد میں
بلاول بھٹوزرداری کوئٹہ کے علاقے اسپنی روڈ پر قائم 150 بستروں پر مشتمل جدید ’ٹراما ایمرجنسی اینڈ رسپانس انسٹیٹیوٹ‘، ’بینظیر ایمبولینس سروس برائے ہنگامی حالات‘، ’پیپلز ایئر ایمبولینس‘،کوئٹہ میں 50 بستروں پر مشتمل ’باچا خان میموریل اسپتال‘، سرکاری ملازمین کے لیے جدید ’ہیلتھ انشورنس پروگرام‘،’چائلڈ لائف ایمرجنسی سروسز‘ جیسے دیگر منصوبوں کا افتتاح کریں گے
ایک روزہ دورے کے موقع پر بلاول بھٹو زرداری وزیر اعلی بلوچستان اور سیاسی شخصیات سے ملاقاتیں بھی کریں گے
