منشیات فروشی کے مقدمے میں گرفتار ملزمہ انمول عرف پنکی سے متعلق نئی معلومات سامنے آئی ہیں، جن میں اس کے پاسپورٹ اور قومی شناختی کارڈ کی تفصیلات شامل ہیں۔
یہ بھی پڑھیں:’انمول پنکی کیس: اعلیٰ افسران کی کمیٹی کے اجلاس میں اہم فیصلے کرلیے گئے
میڈیا رپورٹس کے مطابق ملزمہ نے 17 اپریل 2018 کو کراچی سے پاسپورٹ بنوایا تھا، جس کی معیاد 17 اپریل 2023 کو ختم ہوگئی۔ اسی طرح اس کا قومی شناختی کارڈ 6 دسمبر 2016 کو جاری کیا گیا تھا۔
دستاویزات میں ملزمہ کا پتا ابوالحسن اصفہانی روڈ، گلشنِ اقبال کراچی درج ہے۔
تفتیشی ذرائع کا کہنا ہے کہ انمول عرف پنکی نے مبینہ طور پر اپنا نام تبدیل کرکے نیا شناختی کارڈ بنوانے کی بھی کوشش کی، جس کے حوالے سے تحقیقات جاری ہیں۔
ذرائع کے مطابق ملزمہ کی سفری تفصیلات حاصل کرنے کی کوشش کی جا رہی ہے، جبکہ اہلخانہ کے پاسپورٹس اور شناختی کارڈز کا ریکارڈ بھی جمع کر لیا گیا ہے۔
یہ بھی پڑھیں:’کوکین کوئین‘ انمول پنکی کو 22 مئی تک جسمانی ریمانڈ پر پولیس کے حوالے کردیا گیا
تفتیشی حکام کا کہنا ہے کہ کیس کے مختلف پہلوؤں کا تفصیلی جائزہ لیا جا رہا ہے تاکہ مزید حقائق سامنے لائے جا سکیں۔
