سعودی عرب میں ذوالحج 1447 ہجری کا چاند نظر آنے کی تصدیق کردی گئی ہے، جس کے بعد مملکت میں عید الاضحیٰ 27 مئی کو منائی جائے گی۔
عرب میڈیا رپورٹس کے مطابق حج کا رکنِ اعظم وقوفِ عرفہ 26 مئی کو ادا کیا جائے گا۔
دوسری جانب متحدہ عرب امارات، ترکیے اور سلطنت عمان میں بھی ذوالحج کا چاند نظر آنے کا اعلان کر دیا گیا ہے، جہاں عید الاضحیٰ 27 مئی کو منائی جائے گی۔
ادھر پاکستان میں بھی ذوالحج کا چاند نظر آگیا ہے، اور عیدالاضحیٰ 27 مئی بروز بدھ کو منائی جائےگی۔
چیئرمین مرکزی رویت ہلال کمیٹی مولانا عبدالخبیر آزاد نے چاند نظر آنے کا حتمی اعلان کیا۔
