شہرِ قائد کے لیے ایک اور بڑے اعزاز کا اعلان کرتے ہوئے ڈی ایچ اے سٹی کراچی اور اے بی ایس ڈویلپرز کے درمیان پاکستان کی بلند ترین عمارت ’برجِ قائد‘ کی تعمیر کے لیے باضابطہ معاہدہ طے پا گیا ہے۔
مزید پڑھیں: پاکستان نے یورو بانڈ کی ادائیگی کر دی، زرمبادلہ ذخائر 4 سال کی بلند ترین سطح پر
82 منزلہ ’برجِ قائد‘ 941 فٹ بلند ہوگی، جو پاکستان کی سب سے اونچی عمارت قرار دی جا رہی ہے۔ جدید طرزِ تعمیر پر مبنی یہ منصوبہ قریباً 6 ایکڑ اراضی پر تعمیر کیا جائے گا جبکہ اس کی تکمیل کے لیے 6 سال کا ہدف مقرر کیا گیا ہے۔
شہرِ قائد کیلئے ایک اور اعزاز، پاکستان کی بلند ترین عمارت “برجِ قائد”کی تعمیر کا معاہدہ طے
ڈی ایچ اے سٹی کراچی اور اے بی ایس ڈیولپرز کے درمیان 82 منزلہ “برجِ قائد” کی تعمیر کیلئے باضابطہ معاہدہ طے پا گیا
941 فٹ بلند “برجِ قائد” پاکستان کی بلند ترین عمارت ہوگی، منصوبہ ڈی ایچ اے… pic.twitter.com/FlIynSGnFW
— Noman Khan (@dtnoorkhan) May 17, 2026
حکام کے مطابق سول ایوی ایشن اتھارٹی اور دیگر متعلقہ اداروں نے منصوبے کے لیے 941 فٹ بلندی کا این او سی بھی جاری کر دیا ہے۔
اے بی ایس ڈیولپرز بین الاقوامی ماہرین اور کنسلٹنٹس کی نگرانی میں منصوبے پر کام کرے گا۔ حکام کا کہنا ہے کہ ’برجِ قائد‘ کی تعمیر سے کراچی میں جدید شہری انفراسٹرکچر، سرمایہ کاری اور کاروباری سرگرمیوں کو فروغ ملے گا۔
مزید پڑھیں: برطانیہ میں بے روزگاری 5برس کی بلند ترین سطح پر پہنچ گئی
منصوبے کو پاکستان میں جدید ہائی رائز ڈویلپمنٹ کے ایک نئے دور کا آغاز بھی قرار دیا جا رہا ہے۔
