پاکستان کے بولنگ کوچ عمر گل نے کہا ہے کہ قومی ٹیم بنگلہ دیش کی جانب سے دیے گئے 437 رنز کے بڑے ہدف کا تعاقب کرنے کی صلاحیت رکھتی ہے اور یہ میچ ابھی مکمل طور پر کھلا ہوا ہے۔
یہ بھی پڑھیں: سلہٹ ٹیسٹ: بنگلہ دیش نے پاکستان کو جیت کے لیے 437 رنز کا ہدف دے دیا
میچ کے بعد میڈیا سے گفتگو کرتے ہوئے عمر گل نے کہا کہ 2 دن کا وقت باقی ہے، بارش کی ممکنہ مداخلت بھی موجود ہے اور پچ کی صورتحال میں بہتری کے باعث پاکستان کے پاس ہدف حاصل کرنے کا موقع موجود ہے۔
انہوں نے کہا کہ ہمارے پاس ابھی 2 دن باقی ہیں اور بارش کا بھی امکان ہے اس لیے وقت کافی ہے۔ میچ کا نتیجہ ابھی کھلا ہوا ہے اور ڈرا کا امکان بھی زیادہ نہیں لگ رہا۔
Stumps on Day Three
Openers Abdullah Fazal and Azan Awais will resume Pakistan's chase tomorrow 🏏#BANvPAK pic.twitter.com/ZCOprhtsHz
— Pakistan Cricket (@TheRealPCB) May 18, 2026
عمر گل کے مطابق اگر پاکستان مسلسل 2 دن بیٹنگ کرے تو ہدف حاصل کیا جا سکتا ہے تاہم اس کے لیے مضبوط پارٹنرشپس ناگزیر ہیں۔
مزید پڑھیے: ڈھاکا ٹیسٹ: بنگلہ دیش نے پاکستان کو 104 رنز سے شکست دے دی
انہوں نے کہا کہ 437 رنز کے ہدف کے لیے 2 سے 3 بڑی شراکتیں ضروری ہیں اور ٹیم ذہنی طور پر اس چیلنج کے لیے تیار ہے۔
To equal the series against Bangladesh, Pakistan must set a world record chase of 437. Pakistan has two full days and one session left.
Do you think these Pakistani batters can conquer this mountain?#PAKvBAN pic.twitter.com/h3gvfRlb75
— Shakir Abbasi (@ShakirAbbasi22) May 18, 2026
پچ کے حوالے سے گفتگو کرتے ہوئے انہوں نے کہا کہ ابتدا میں وکٹ بولرز کے لیے سازگار تھی لیکن بعد میں بیٹنگ کے لیے بہتر ہو گئی۔
مزید پڑھیں: پاکستان ویمنز کا زمبابوے کے خلاف ٹی 20 میں بھی کلین سوئپ، تیسرے میچ میں 133 سے کامیابی
میچ کے دوران پاکستان کے فاسٹ بولرز کی کارکردگی پر بات کرتے ہوئے انہوں نے کہا کہ ریڈ بال کرکٹ میں تسلسل کا فقدان، گرمی اور لمبے وقفے بولرز کی کارکردگی کو متاثر کرتے ہیں۔
437 on the board. A mountain now stands in front of Pakistan 🇵🇰⛰️
Pakistan have never crossed 300 in the fourth innings against Bangladesh in Test cricket history pic.twitter.com/evcMdwHveP
— Cricwick (@Cricwick) May 18, 2026
انہوں نے سوشل میڈیا پر شاہین آفریدی اور حسن علی سے متعلق افواہوں کی بھی تردید کی اور کہا کہ دونوں کے درمیان کسی قسم کا کوئی مسئلہ نہیں ہے۔
یہ بھی پڑھیے: فاطمہ ثنا کا ایک اور سنگ میل: صرف 15 گیندوں پر نصف سینچری بناکر ٹی 20 کا نیا عالمی ریکارڈ قائم کردیا
میچ کی صورتحال کے مطابق بنگلہ دیش نے شاندار بیٹنگ کرتے ہوئے بڑا مجموعہ اسکور کیا جس میں مشفق الرحیم نے 137 رنز کی اننگز کھیلی۔ جواب میں پاکستان نے دن کے اختتام تک بغیر کسی نقصان کے 0 رنز بنائے تھے اور اوپنرز اگلے دن کھیل دوبارہ شروع کریں گے۔
