پاکستان ایوی ایشن اتھارٹی کے مطابق بلیو ایریا اسلام آباد میں مجوزہ ایوی ایشن کمپلیکس منصوبے سے متعلق عوامی سماعت کامیابی سے مکمل ہو گئی ہے۔
مزید پڑھیں: کراچی میں پاکستان کی بلند ترین عمارت ’برجِ قائد‘ تعمیر کرنے کا معاہدہ
عوامی سماعت پاکستان ماحولیاتی تحفظ ایکٹ 1997 کے تحت منعقد کی گئی، جس میں منصوبے کے ماحولیاتی اثرات اور تکنیکی پہلوؤں پر تفصیلی بریفنگ دی گئی۔ نیشنل انجینئرنگ سروسز پاکستان (نیسپاک) نے منصوبے کے ڈیزائن اور ماحولیاتی منصوبہ بندی سے متعلق شرکا کو آگاہ کیا۔
پی اے اے کے مطابق ایوی ایشن کمپلیکس منصوبہ ایک اہم سنگ میل ہے، جس کے تحت بلیو ایریا میں 26 منزلہ جدید عمارت تعمیر کی جائے گی۔ اس منصوبے میں پی اے اے کے دفاتر اور فضائی خدمات کو ایک ہی چھت تلے لایا جائے گا۔@AmirSaeedAbbasi @alihamzaisb pic.twitter.com/6i5yyCdTAM
— Media Talk (@mediatalk922) May 19, 2026
سماعت کے دوران شرکا کے سوالات کے تسلی بخش جوابات دیے گئے جبکہ عوام اور اسٹیک ہولڈرز کی جانب سے دی گئی تجاویز کو حتمی ماحولیاتی اثرات کی رپورٹ کا حصہ بنانے کا فیصلہ کیا گیا۔
پی اے اے کے مطابق ایوی ایشن کمپلیکس منصوبہ ایک اہم سنگ میل ہے، جس کے تحت بلیو ایریا میں 26 منزلہ جدید عمارت تعمیر کی جائے گی۔ اس منصوبے میں پی اے اے کے دفاتر اور فضائی خدمات کو ایک ہی چھت تلے لایا جائے گا۔
مزید پڑھیں: نواز شریف اور مریم نواز کی زیر صدارت مری میں اجلاس، اسکائی گلاس برج سمیت سیاحتی منصوبوں کی منظوری
اتھارٹی کا کہنا ہے کہ منصوبہ توانائی کے مؤثر استعمال اور پائیدار انفراسٹرکچر کے اصولوں کے مطابق ایک جدید اور مستقبل دوست ڈھانچہ فراہم کرے گا۔
