پاکستان کو بنگلہ دیش کے ہاتھوں مسلسل شکست، ’کرکٹ کا حشر ہاکی سے بھی برا کردیا گیا ہے‘

بنگلہ دیش نے سلہٹ میں کھیلے گئے ٹیسٹ میچ میں پاکستان کو 78 رنز سے شکست دے کر نہ صرف میچ اپنے نام کیا بلکہ ہوم گراؤنڈ پر پاکستان کے خلاف پہلی مرتبہ ٹیسٹ سیریز میں کلین سوئپ بھی کیا۔

پاکستان کی ٹیم کی اس شکست پر سوشل میڈیا پر شدید ردِعمل دیکھنے میں آیا جہاں صارفین نے قومی کرکٹ ٹیم کی کارکردگی پر سخت تنقید کی اور مایوسی کا اظہار کیا۔

یہ بھی پڑھیں: سلہٹ ٹیسٹ میں پاکستان کو شکست، بنگلہ دیش نے ٹیسٹ سیریز 0-2 سے جیت لی

شائقین کا کہنا تھا کہ ٹیم مسلسل غیر مستقل مزاجی کا شکار ہے اور اہم مواقع پر بہتر کارکردگی دکھانے میں ناکام رہی ہے۔

ایک سوشل میڈیا صارف کا کہنا تھا کہ بنگلہ دیش نے پاکستان کو 2 سال میں 2 دفعہ ٹیسٹ سیریز میں وائٹ واش کر دیا، ایسی کارکردگی پر شرم آنی چاہیے۔

بنگلہ دیش نے پاکستان کو 2 سال میں 2 دفعہ ٹیسٹ سیریز میں وائٹ واش کر دیا… ایسی کارکردگی پر شرم آنی چاہیے pic.twitter.com/MSJyk5N1hH

— WeAreGhalib (@WeAreGhalib) May 20, 2026

سابق وفاقی وزیر فواد چوہدری نے لکھا کہ کرکٹ بورڈ کی عظیم اور ویژنری قیادت کے نتیجے میں پاکستان ساتویں مسلسل سیریز بھی ہار گیا۔ اب تو دفنانا ہی رہ گیا ہے۔

کرکٹ بورڈ کی عظیم اور ویژنری قیادت کے نتیجے میں پاکستان ساتویں مسلسل سیریز بھی ہار گیا ۔۔ اب تو دفنانا ہی رہ گیا ہے۔۔ #Cricket

— Ch Fawad Hussain (@fawadchaudhry) May 20, 2026

احمد وڑائچ نے کہا کہ بنگلہ دیش 2024 میں پاکستان آیا، 2 ٹیسٹ ہرا کر گیا۔ اب 2 سال بعد 2026 میں پاکستان وہاں گیا ہے، بنگلہ دیش نے پھر ہمیں 2 ٹیسٹ ہرا دیے ہیں 2 سال میں 0-4، عظیم کامیابی اور تعاون پر سب کا شکریہ

بنگلہ دیش 2024 میں پاکستان آیا، 2 ٹیسٹ ہرا کر گیا۔ اب 2 سال بعد 2026 میں پاکستان وہاں گیا ہے، بنگلہ دیش نے پھر ہمیں 2 ٹیسٹ ہرا دیے ہیں

2 سال میں 0-4، عظیم کامیابی اور تعاون پر سب کا شکریہ pic.twitter.com/6PsOuOkIvC

— Ahmad Warraich (@ahmadwaraichh) May 20, 2026

فہیم اختر ملک لکھتے ہیں کہ کرکٹ کا حشر ہاکی سے بھی برا کردیا گیا ہے۔

بنگلہ دیش نے پاکستان کرکٹ کے تابوت میں آخری کیل ٹھونک دیا۔۔۔ پاکستان کو دوسرا ٹیسٹ میچ ہرا دیا مسلسل دوسری سیریز میں وائٹ واش۔۔۔
لاہور یا اسلام آباد میں بیٹھے پاکستان کرکٹ کے کرتا دھرتاوں کو زرا برابر بھی شرم محسوس ہوگی؟
کرکٹ کا حشر ہاکی سے بھی برا کردیا اس رجیم نے https://t.co/9oWACfrBpR pic.twitter.com/QDwaV6f5OZ

— Fahim Akhtar Malik (@writetofahim) May 20, 2026

ایک سوشل میڈیا صارف کا کہنا تھا کہ پاکستان کی ٹیسٹ اور ون ڈے ٹیم پر پابندی لگائی جائے یہ کھلاڑی اب صرف ٹی 20 کھیلنے والے ہیں۔

بنگلہ دیش کا ٹیسٹ سیریز میں تاریخ میں پہلی بار پاکستان کے خلاف کلین سویپ
دوسرے ٹیسٹ میں بھی پاکستان کو عبرتناک شکست
اتنی ذلالت کے بعد پاکستان کی ٹیسٹ اور ون ڈے ٹیم پر پابندی لگائی جائے یہ کھلاڑی اب صرف ٹی 20 کھیلنے والے ہیں وہ بھی پیسے کےلیے ۔۔۔

— Siddeeq Sajid (@S_SajidOfficial) May 20, 2026

احمد حسن نے کہا کہ محسن نقوی نے کرکٹ کو پاکستان کی تاریخ کے سب سے کم ترین لیول پر پہنچا دیا ہے۔ ٹیسٹ کرکٹ میں بنگلہ دیش نے وائٹ واش کر ڈالا ہے اس سے بدترین کرکٹ نا کبھی دیکھی نا پاکستان میں کبھی ایسی بدترین ٹیم دیکھی گئی تھی جو آج ہے۔

محسن نقوی نے کرکٹ کو پاکستان کی تاریخ کے سب سے کم ترین لیول پر پہنچا دیا ہے ٹیسٹ کرکٹ میں بنگلہ دیش نے وائٹ واش کر ڈالا ہے
اس سے بدترین کرکٹ نا کبھی دیکھی نا پاکستان میں کبھی ایسی بدترین ٹیم دیکھی گئی تھی جو آج ہے ۔ pic.twitter.com/6N9Xj20aDQ

— Ahmad Hassan Bobak (@ahmad__bobak) May 20, 2026

یاد رہے کہ پاکستان اپنی پہلی اننگز میں 232 رنز پر آؤٹ ہوگیا تھا جبکہ بنگلہ دیش نے پہلی اننگز میں 278 اور دوسری اننگز میں 390 رنز اسکور کیے تھے۔