پاکستان اور چین کی دوستی کے 75 سال مکمل ہونے پر حکومتِ پاکستان نے 75 روپے مالیت کا یادگاری سکہ جاری کرنے کا فیصلہ کیا ہے، جو 25 مئی 2026 سے عوام کے لیے دستیاب ہوگا۔
پاکستان اور چین کے درمیان سفارتی تعلقات 21 مئی 1951 کو قائم ہوئے تھے، اور اب ان تاریخی تعلقات کے 75 برس مکمل ہونے پر اس خاص سکے کا اجرا کیا جا رہا ہے۔ یہ سکہ اسٹیٹ بینک بینکنگ سروسز کارپوریشن کے مختلف دفاتر سے حاصل کیا جا سکے گا۔
Pakistan to issue special coin to mark 75 year anniversary of relations with China..
To mark the 75th anniversary of diplomatic relations Pakistan and China, the Government of Pakistan has decided to issue a… pic.twitter.com/EL9AerKI9D— Waseem Abbasi (@Wabbasi007) May 20, 2026
یادگاری سکے پر پاکستان اور چین کے قومی پرچم نمایاں ہوں گے، جبکہ اس پر دونوں ممالک کی دوستی اور تعاون کو بھی خوبصورت انداز میں ظاہر کیا گیا ہے۔ سکے پر انگریزی، اردو اور چینی زبان میں پاک چین سفارتی تعلقات کے 75 سال مکمل ہونے کا ذکر درج ہوگا۔
حکام کے مطابق یہ سکہ تانبے اور نکل سے تیار کیا گیا ہے، جس کا وزن 19 گرام اور قطر 36 ملی میٹر رکھا گیا ہے۔ سکے کے ایک جانب ہلال، ستارہ اور ’اسلامی جمہوریہ پاکستان‘ درج ہوگا، جبکہ دوسری جانب دونوں ممالک کے پرچم اور “اعتماد، دوستی، تعاون” کا پیغام تحریر ہوگا۔
یہ بھی پڑھیں:جشن معرکہ حق کے موقع پر 75 روپے مالیت کا یادگاری سکہ جاری
پاکستان اور چین کی دوستی کو دنیا بھر میں مثالی تعلقات قرار دیا جاتا ہے، اور یہ خصوصی سکہ اسی مضبوط رشتے کی یادگار کے طور پر جاری کیا جا رہا ہے۔
