پاکستانی اداکارہ مامیا شاہ جعفر نے شوبز انڈسٹری میں پیش آنے والے تلخ تجربات، ذہنی صحت کے مسائل اور مبینہ ہراسانی سے متعلق اہم انکشافات کیے ہیں۔
حالیہ انٹرویو میں مامیا شاہ جعفر نے ساتھی اداکار پر نامناسب رویے اور غیر پیشہ ورانہ طرزِ عمل کے الزامات عائد کرتے ہوئے کہا کہ یہ ان کی پاکستان میں بدترین اداکاری کا تجربہ تھا۔ ان کا کہنا تھا کہ مذکورہ اداکار نے انہیں شوٹنگ کے دوران مسلسل غیر آرام دہ محسوس کروایا اور بار بار غیر ضروری جسمانی قربت کی کوشش کی۔
View this post on Instagram
مامیا شاہ جعفر نے بتایا کہ وہ صرف قریبی دوستوں کے ساتھ ہی اس نوعیت کا برتاؤ رکھتی ہیں تاہم ان کے واضح انکار کے باوجود متعلقہ اداکار نے بارہا انہیں گلے لگانے کی کوشش کی۔
اداکارہ نے مزید دعویٰ کیا کہ ایک موقع پر معروف افسانہ نگار کے حوالے سے بحث کے دوران معاملہ شدت اختیار کر گیا جہاں مبینہ طور پر اداکار نے غصے میں نامناسب رویہ اپنایا اور انہیں برا بھلا بھی کہا۔ مامیا کے مطابق صورتحال اس حد تک بڑھ گئی تھی کہ ہدایتکار کو مداخلت کرنا پڑی اور ان کو صرف کام پر توجہ دینے کی ہدایت دی گئی۔
View this post on Instagram
انٹرویو نے بعد ارسلان خان کا نام سوشل میڈیا پر گردش کرنے لگا کہ شاید انہوں نے مامیا شاہ جعفر کے ساتھ ایسا سلوک کیا ہے تاہم اداکارہ نے وضاحت دیتے ہوئے کہا کہ وہ ان کی بات نہیں کر رہی تھیں۔
View this post on Instagram
ان الزامات کے علاوہ مامیا شجاعفر نے اپنی ذہنی صحت سے متعلق مسائل پر بھی کھل کر بات کی۔ انہوں نے بتایا کہ ان کی فلم، جو برلن انٹرنیشنل فلم فیسٹیول میں پیش کی گئی تھی اس میں ان کا کردار ’زیبا‘ شوٹنگ ختم ہونے کے بعد بھی ان کی شخصیت پر اثر انداز ہوتا رہا۔
ان کا کہنا تھا کہ مجھے احساس ہوا کہ میں اب بھی زیبا کے کردار سے باہر نہیں آ سکی تھی۔ وہ کردار میرے لاشعور میں بس گیا تھا اور میں اس کی تاریکی میں پھنس گئی تھی۔
