بنگلہ دیش نے اپنی خارجہ پالیسی میں اہم تبدیلی کرتے ہوئے سینئر سول افسران کی تربیت کا پروگرام بھارت سے پاکستان منتقل کر دیا ہے۔ میڈیا رپورٹس کے مطابق پہلی مرتبہ بنگلہ دیشی بیوروکریٹس لاہور کی سول سروسز اکیڈمی میں تربیت حاصل کر رہے ہیں، جسے ڈھاکا کی سفارتی ترجیحات میں نمایاں تبدیلی قرار دیا جا رہا ہے۔
یہ بھی پڑھیے بنگلہ دیش کے اعلیٰ سول افسران کے وفد کا وزارت خارجہ کا دورہ، اسحاق ڈار کا خیرمقدم
تفصیلات کے مطابق بنگلہ دیش نے ایک اہم سفارتی اور انتظامی فیصلہ کرتے ہوئے سول سرونٹس کی تربیت بھارت کے بجائے پاکستان میں کروانے کا آغاز کر دیا ہے۔ بنگلہ دیشی افسران پہلی مرتبہ لاہور میں تربیت حاصل کر رہے ہیں، جسے ڈھاکا کی خارجہ پالیسی میں بڑی تبدیلی قرار دیا جا رہا ہے۔
میڈیا رپورٹس کے مطابق بنگلہ دیش نے بھارت کے ساتھ جاری پرانے تربیتی نظام کو معطل کر دیا ہے، جبکہ پاکستان کے ساتھ دفاعی اور اقتصادی تعاون میں بھی اضافہ کیا جا رہا ہے۔
یہ بھی پڑھیے پاکستان اور بنگلہ دیش کے درمیان دو طرفہ تعلقات کے فروغ کے لیے 6 معاہدوں پر دستخط
رپورٹ کے مطابق سینئر سول سروس افسران کے تربیتی پروگرام کو بھارت سے پاکستان منتقل کرنا بنگلہ دیش کی سفارتی سمت میں ایک اہم اشارہ سمجھا جا رہا ہے۔ اس پروگرام کے تحت بنگلہ دیش کے اعلیٰ سرکاری افسران پہلی بار لاہور میں واقع سول سروسز اکیڈمی میں تربیت حاصل کر رہے ہیں۔
ذرائع کے مطابق یہ فیصلہ 2024 میں شیخ حسینہ حکومت کے خاتمے کے بعد بنگلہ دیش کی خارجہ پالیسی میں آنے والی وسیع تر تبدیلیوں کا حصہ ہے، جس کے تحت ڈھاکا بھارت پر انحصار کم کرتے ہوئے اسلام آباد کے ساتھ تعلقات کو مزید بہتر بنا رہا ہے۔
