چارسدہ کے علاقے پڑانگ ماجوکی میں ایک افسوسناک واقعہ پیش آیا جہاں بوسیدہ مکان کی چھت اچانک گر گئی۔ اس حادثے میں تین کم عمر بچے ملبے تلے دب کر جاں بحق ہو گئے جبکہ ان کے والدین زخمی ہوئے۔
یہ بھی پڑھیں:شادی والے گھر میں صف ماتم، چارسدہ میں چھت گر گئی، 5 بچوں سمیت 6 افراد جاں بحق
ریسکیو حکام کے مطابق جاں بحق ہونے والے بچوں کی عمریں 3 سے 12 سال کے درمیان تھیں۔ حادثے کے وقت بچے گھر کے اندر موجود تھے جب چھت اچانک گر گئی۔
زخمی ہونے والے والدین کو فوری طور پر قریبی اسپتال منتقل کر دیا گیا ہے جہاں انہیں طبی امداد دی جا رہی ہے۔
ریسکیو حکام کا کہنا ہے کہ واقعہ گزشتہ رات پیش آیا اور امدادی کارروائیاں مکمل کر لی گئی ہیں۔ علاقے میں افسوس اور سوگ کی فضا ہے۔
