سعودی محکمۂ شماریات کے مطابق رواں سال مجموعی طور پر 17 لاکھ 7 ہزار 301 افراد نے فریضۂ حج ادا کیا۔
مزید پڑھیں:فریضہ حج کی تکمیل، ہزاروں زائرین کا مدینہ منورہ کی سمت روحانی سفر
محکمہ شماریات کی جانب سے جاری بیان میں بتایا گیا کہ 15 لاکھ 46 ہزار 655 حجاج بیرونِ ملک سے سعودی عرب پہنچے، جن کا تعلق 165 مختلف ممالک سے تھا، جبکہ 1 لاکھ 60 ہزار 646 مقامی حجاج میں سعودی شہری اور مملکت میں مقیم غیر ملکی شامل تھے۔
#الهيئة_العامة_للإحصاء
بلغ إجمالي أعداد الحجاج لموسم حج 1447هـ – 2026م (1,707,301) حاجًّا وحاجَّة.https://t.co/ya9rnqV153#حياكم_الله#حج_1447هـ pic.twitter.com/tgnQVZXtOM— الهيئة العامة للإحصاء (@Stats_Saudi) May 26, 2026
اعداد و شمار کے مطابق مرد حجاج کی تعداد 8 لاکھ 93 ہزار 396 رہی، جبکہ خواتین حجاج کی تعداد 8 لاکھ 13 ہزار 905 ریکارڈ کی گئی۔
سعودی حکام کے مطابق بیرونِ ملک سے آنے والے حجاج میں سے 14 لاکھ 85 ہزار 729 افراد فضائی راستے سے سعودی عرب پہنچے، جبکہ 54 ہزار 429 زمینی اور 6 ہزار 497 بحری راستے سے مملکت میں داخل ہوئے۔
Jutaan jamaah haji dari seluruh dunia memadati Padang Arafah pada puncak ibadah Haji 2026. Wukuf di Arafah menjadi momen paling sakral, saat jutaan umat Islam bersatu dalam doa dan memohon ampunan kepada Allah SWT. #haji #hajj pic.twitter.com/xpDkkDTTdd
— Tasawufcenter (@tasawufcenter) May 26, 2026
مزید پڑھیں: فریضہ حج کی ادائیگی کے خواہشمند افراد کے لیے بڑی خوشخبری آگئی
واضح رہے کہ گزشتہ برس 16 لاکھ 73 ہزار 230 افراد نے حج کی سعادت حاصل کی تھی۔
