جڑواں شہروں میں کرکٹ ٹیموں کی آمد و رفت کے پیش نظر اسلام آباد ٹریفک پولیس نے شہریوں کے لیے اہم ٹریفک ایڈوائزری جاری کردی ہے۔
ترجمان ٹریفک پولیس کے مطابق مختلف اوقات میں کلب روڈ، مری روڈ، ایکسپریس ہائی وے اور سری نگر ہائی وے پر ٹریفک ڈائیورشنز لگائے جائیں گے۔
یہ بھی پڑھیں: افواج پاکستان کو خراج تحسین پیش کرنے کے لیے ’بنیان مرصوص‘ کرکٹ میچ کا اعلان
مذکورہ ٹریفک ڈائیورشنزکے باعث ان شاہراہوں پر ٹریفک کی روانی متاثر ہوسکتی ہے۔
واضح رہے کہ 30 مئی کو راولپنڈی کرکٹ اسٹیڈیم میں آسٹریلیا کی کرکٹ ٹیم پاکستان کیخلاف ون ڈے سیریز کا پہلا میچ کھیلے گی۔
ٹریفک پولیس نے شہریوں کو ہدایت کی ہے کہ وہ سفر کے دوران 20 سے 25 منٹ اضافی وقت مد نظر رکھتے ہوئے گھروں سے نکلیں اور ڈائیورشنز کے دوران متبادل راستوں یا سروس روڈز کا استعمال کریں۔
مزید پڑھیں: معرکۂ حق کی پہلی سالگرہ، اسلام آباد ٹریفک پولیس کا منفرد اقدام
ترجمان کے مطابق اسلام آباد ٹریفک پولیس شہریوں کی سہولت اور ٹریفک کی روانی برقرار رکھنے کے لئے مختلف مقامات پر موجود رہے گی۔
شہریوں کو مزید ہدایت کی گئی ہے کہ وہ ٹریفک سے متعلق تازہ صورتحال جاننے کے لئے اسلام آباد ٹریفک پولیس کے واٹس ایپ چینل، اسلام آباد پولیس کے سوشل میڈیا پیجز کو فالو کریں جبکہ اسلام آباد ٹریفک پولیس ایف ایم 92.4 بھی سنتے رہیں۔
