معرکۂ حق اور آپریشن بنیان مرصوص کو ایک سال مکمل ہونے کے موقع پر اسلام آباد ٹریفک پولیس کی جانب سے شہریوں میں معرکۂ حق سے متعلق پرنٹڈ شرٹس تقسیم کی گئیں۔
یہ بھی پڑھیں:’معرکۂ حق‘ پاکستان کے لیے قومی طاقت اور اسٹریٹجک وضاحت کا فیصلہ کن لمحہ ثابت ہوا، عاصم افتخار
ٹریفک پولیس کے مطابق اس اقدام کا مقصد قومی یکجہتی، حب الوطنی کے جذبے کو فروغ دینا اور عوام میں شعور بیدار کرنا ہے۔ مختلف شاہراہوں اور عوامی مقامات پر شہریوں کو شرٹس تقسیم کی گئیں، جہاں لوگوں نے اس سرگرمی میں بھرپور دلچسپی لی۔
شہریوں نے اسلام آباد ٹریفک پولیس کے اس اقدام کو سراہتے ہوئے افواجِ پاکستان کے ساتھ مکمل یکجہتی کا اظہار کیا۔ اس موقع پر ہم نے عہد کیا تھا، ہم نے نبھا دیا کا نعرہ بھی نمایاں رہا۔
تقریب کے دوران پاکستان سے محبت، قومی اتحاد اور ملکی سلامتی کے حوالے سے خصوصی پیغامات بھی دیے گئے۔
