دھابیجی پمپنگ اسٹیشن پر بجلی کی اچانک بندش کے باعث شہر کے مختلف علاقوں کو پانی کی فراہمی متاثر ہوگئی۔
یہ بھی پڑھیں: سندھ کو پانی کے شدید بحران کا سامنا ہے، وفاق فوری نوٹس لے، شرجیل انعام میمن
کراچی واٹر اینڈ سیوریج کارپوریشن کے ترجمان کے مطابق کے الیکٹرک نے دھابیجی گرڈ کے پاور ٹرانسفارمر نمبر ایک میں سامنے آنے والے فنی مسئلے کی ہنگامی مرمت کے لیے 30 مئی کی شام ساڑھے 6 بجے بجلی کی فراہمی معطل کی۔
ترجمان کا کہنا ہے کہ بجلی بند ہونے سے دھابیجی پمپنگ اسٹیشن کے 21 میں سے 10 پمپنگ یونٹس بند ہو گئے جس کے نتیجے میں شہر کو پانی کی ترسیل کا نظام شدید متاثر ہوا اور کئی علاقوں میں سپلائی معطل ہو گئی۔
انہوں نے بتایا کہ ابتدائی طور پر کے الیکٹرک کی جانب سے ایک گھنٹے کی لوڈشیڈنگ سے آگاہ کیا گیا تھا، تاہم اب تک بجلی کی مکمل بحالی کے حوالے سے کوئی حتمی وقت نہیں بتایا گیا۔
مزید پڑھیے: کراچی: پانی کے منصوبے کے لیے واٹر بورڈ کو ساڑھے 10 ارب روپے کی فراہمی کا اعلان
کراچی واٹر اینڈ سیوریج کارپوریشن نے شہریوں سے اپیل کی ہے کہ صورتحال معمول پر آنے تک پانی احتیاط سے استعمال کریں اور غیر ضروری استعمال سے گریز کریں۔
