سابق وزیر اعظم میاں محمد نواز شریف نے کہا ہے کہ عمران خان نے کئی بار کہا تھا کہ میں ان کو رلاؤں گا،کئی دفعہ اس نے یہ کہا ،پتہ نہیں وہ ہمیں کہہ رہا تھا یا ان لوگوں کو کہہ رہا تھا جو آج رو رہا ہے۔
لندن میں میڈیا سے گفتگو کرتے ہوئے سابق وزیر اعظم نواز شریف سے ایک صحافی نے سوال کیا کہ آج کل جو بھی جیل سے باہر آ رہا ہے وہ رو رہا ہے تو کیا معاملہ ہے جیل میں اتنے حالات خراب ہو گئے ہیں۔
صحافی کے سوال کے جواب میں سابق وزیر اعظم نے کہا کہ عمران خان نے کئی بار کہا تھا کہ میں ان کو رلاؤں گا، کئی دفعہ اس نے یہ کہا ،پتہ نہیں وہ ہمیں کہہ رہا تھا یا ان لوگوں کو کہہ رہا تھا جو آج رو رہا ہے۔
عمران خان نے کئی بار کہا تھا نہ کہ میں ان کو رلاؤنگا،معلوم نہیں وہ ھمیں کہہ رھا تھا یا ان کو جو جیل سے روتے ھوئے آرھے ھیں- نواز شریف
(میاں صاحب کی مُسکراہٹ دیکھیں 😃) pic.twitter.com/a7MoNgWS3b
— Shama Junejo (@ShamaJunejo) February 3, 2023
نواز شریف کا یہ تبصرہ ایسے وقت میں سامنے آیا ہے جب کہ پی ٹی آئی رہنما فواد چوہدری ضمانت پر رہا ہوئے ہیں۔ رہائی کے بعد ایک ٹی وی پروگرام میں اپنی گرفتاری کی روداد بیان کرتے ہوئے وہ آبدیدہ ہو گئے تھے۔
