دنیا کی مقبول ترین میسجنگ ایپ واٹس ایپ نے اپنے کاروباری صارفین کے لیے ایک انقلابی قدم اٹھاتے ہوئے نیا ‘میٹا بزنس اے آئی ایجنٹ’ متعارف کرا دیا ہے، جو مصنوعی ذہانت کی مدد سے کسٹمر چیٹس کو زیادہ مؤثر انداز میں سنبھالنے اور صارفین کو تیز ترین مدد فراہم کرنے کے لیے ڈیزائن کیا گیا ہے۔
اس شاندار اور اہم فیچر کا باقاعدہ اعلان ‘کنورسیشنز 2026’ ایونٹ میں کیا گیا، جس کے بعد اب اسے واٹس ایپ بزنس ایپ کے ذریعے دنیا بھر میں آئی او ایس اور اینڈرائیڈ صارفین کے لیے مرحلہ وار رول آؤٹ کیا جارہا ہے۔
یہ بھی پڑھیں: واٹس ایپ کا نیا فیچر، آن لائن صارفین کی نشاندہی کے لیے گرین ڈاٹ کی آزمائش شروع
یہ سروس ہر سائز کے کاروبار کو خودکار جوابات کی سہولت فراہم کرتی ہے، جس کی بدولت ایک ہی وقت میں متعدد صارفین کے ساتھ گفتگو کو مینیج کرنا اور چوبیس گھنٹے کسٹمر سپورٹ کو فعال رکھنا ممکن ہو گیا ہے۔
انسانی اسسٹنٹس پر انحصار کرنے کے بجائے، یہ جدید ترین ٹیکنالوجی عام کسٹمر سوالات کے فوری جوابات دے سکتی ہے، جس سے کاروباری اداروں کو اپنے پیچیدہ مسائل پر توجہ مرکوز کرنے کا موقع ملے گا۔
اس بزنس اے آئی ایجنٹ کی سب سے خاص بات یہ ہے کہ اسے کسی بھی کمپنی کے مخصوص لہجے اور انداز کے مطابق ڈھالنے کے لیے باقاعدہ ٹریننگ دی جاسکتی ہے۔
یہ بھی پڑھیں: میٹا نے واٹس ایپ، فیس بک اور انسٹاگرام کے بامعاوضہ فیچرز متعارف کرا دیے
کاروباری ادارے اس سسٹم کو زیادہ درست اور بہتر بنانے کے لیے ماضی کی چیٹس سے سیکھنے کی اجازت دے سکتے ہیں، یا پھر بالکل نئے سرے سے آغاز کر کے وقت کے ساتھ ساتھ اس کے نظام کو خودکار طور پر بہتر ہونے کے لیے چھوڑ سکتے ہیں۔
ایپ میں شامل ایک مخصوص ‘یور اے آئی ایجنٹ’ چیٹ کے ذریعے کاروباری مالکان اپنی ہدایات کو اپ ڈیٹ کرنے، جوابات کو مزید نکھارنے اور اے آئی کی کارکردگی کی نگرانی کرنے کی مکمل صلاحیت رکھتے ہیں۔
اس وقت اس سسٹم میں مختلف موڈز دستیاب ہیں جن میں مینوئیل جوابات)، اے آئی تجاویز اور مکمل خودکار نظام شامل ہیں، جبکہ کمپنیاں اس پورے عمل پر مکمل کنٹرول برقرار رکھتے ہوئے یہ فیصلہ خود کرسکتی ہیں کہ کب اے آئی جواب دے گا اور کب کوئی انسان اس چیٹ کا کنٹرول سنبھالے گا۔
یہ بھی پڑھیں: واٹس ایپ پر چیٹس کا رش ختم: اب نظر آئے گا صرف وہی، جو آپ چاہیں گے
میٹا نے کسٹمر اسپورٹ کے اس نظام کو یکساں بنانے کے لیے اس فیچر کا دائرہ کار انسٹاگرام اور میسنجر تک بھی وسیع کردیا ہے، جو کہ کاروباری پیغامات میں اے آئی کو شامل کرنے اور عالمی سطح پر کسٹمرز کے ساتھ رابطوں کو آسان بنانے کی میٹا کی ایک بڑی کوشش کا حصہ ہے۔
