وزیراعلیٰ پنجاب کی جانب سے مصنوعی ذہانت (AI) اور خصوصی اقدامات کے مشیر علی ڈار سے اٹلی کی سفیر نے الوداعی ملاقات کی، جس میں پاکستان اور اٹلی کے درمیان دوطرفہ تعلقات، سرمایہ کاری، ٹیکنالوجی اور ترقیاتی تعاون پر تبادلہ خیال کیا گیا۔
ملاقات کے دوران علی ڈار نے اٹلی کی سفیر کی سفارتی خدمات کو سراہتے ہوئے کہا کہ انہوں نے پاکستان اور اٹلی کے درمیان تعلقات کے استحکام اور باہمی تعاون کے فروغ میں اہم کردار ادا کیا ہے۔
مزید پڑھیں: علی ڈار کی حمزہ شہباز سے ملاقات، پنجاب کی صورتحال اور ترقیاتی منصوبوں پر تبادلہ خیال
انہوں نے کہا کہ وزیراعلیٰ پنجاب کے وژن کے مطابق پنجاب کو سرمایہ کاری، جدت، مصنوعی ذہانت اور جدید ٹیکنالوجی کا مرکز بنایا جا رہا ہے۔ حکومت پنجاب بین الاقوامی شراکت داریوں کے فروغ اور غیر ملکی سرمایہ کاروں کے لیے سازگار ماحول کی فراہمی کے لیے پرعزم ہے۔
وزیراعلیٰ پنجاب کی جانب سے مصنوعی ذہانت (AI) اور خصوصی اقدامات کے مشیر Ali Dar سے اٹلی کی سفیر Marlene Armelin نے الوداعی ملاقات کی، جس میں پاکستان اور اٹلی کے درمیان دوطرفہ تعلقات، سرمایہ کاری، ٹیکنالوجی اور ترقیاتی تعاون پر تبادلہ خیال کیا گیا۔@AmirSaeedAbbasi @awaisReporter pic.twitter.com/SBAXGIp44k
— Media Talk (@mediatalk922) June 8, 2026
علی ڈار کا کہنا تھا کہ پاکستان اور اٹلی کے تعلقات باہمی احترام، دوستی اور تعاون پر مبنی ہیں اور مستقبل میں تجارتی، تعلیمی اور تکنیکی روابط مزید مستحکم ہوں گے۔ انہوں نے اس بات پر زور دیا کہ مصنوعی ذہانت اور ابھرتی ہوئی ٹیکنالوجیز کے شعبوں میں عالمی تعاون وقت کی اہم ضرورت بن چکا ہے۔
انہوں نے کہا کہ پنجاب بین الاقوامی سرمایہ کاروں، ترقیاتی شراکت داروں اور ٹیکنالوجی کمپنیوں کے لیے بے شمار مواقع فراہم کر رہا ہے، جبکہ بین الاقوامی تعاون سے نوجوانوں کے لیے تعلیم، روزگار اور مہارتوں کے نئے دروازے کھلیں گے۔
مزید پڑھیں: علی ڈار وزیراعلیٰ پنجاب کے معاون خصوصی برائے آرٹیفیشل انٹیلیجنس تعینات، نوٹیفکیشن جاری
اس موقع پر اٹلی کی سفیر میریلینا ارملین نے وزیراعلیٰ پنجاب مریم نواز شریف کے لیے نیک خواہشات کا اظہار کرتے ہوئے ان کی جلد صحتیابی کے لیے دعا کی۔ انہوں نے پنجاب میں جاری ترقیاتی اقدامات اور اصلاحات کو بھی سراہا۔
علی ڈار نے وزیراعلیٰ پنجاب کی جانب سے اٹلی کی سفیر کے لیے نیک تمناؤں کا اظہار کرتے ہوئے ان کی آئندہ ذمہ داریوں اور مستقبل کے لیے کامیابی کی دعا بھی کی۔
