ڈسٹرکٹ اینڈ سیشن کورٹس اسلام آباد نے ریاستی اداروں پر الزامات عائد کرنے سے متعلق مقدمے میں وزیراعلیٰ خیبر پختونخوا سہیل آفریدی کو گرفتار کرکے عدالت میں پیش کرنے کا حکم جاری کر دیا۔
ڈسٹرکٹ اینڈ سیشن کورٹس، اسلام آبادوزیر اعلی کے پی کے سہیل آفریدی کے خلاف ریاستی اداروں پرگمراہ کن الزامات اور ساکھ متاثر کرنے کا کیس عدالت نے عدم حاضری پر سہیل آفریدی کے ناقابل ضمانت وارنٹ گرفتاری برقرار عدالت کا سہیل آفریدی کو گرفتار کرکے پیش کرنے کا حکم
— ch sajjad Haider (@chsajjad844) June 8, 2026
عدالت نے مسلسل عدم حاضری کے باعث سہیل آفریدی کے ناقابلِ ضمانت وارنٹ گرفتاری برقرار رکھتے ہوئے متعلقہ حکام کو انہیں گرفتار کرکے پیش کرنے کی ہدایت کی۔
مقدمے کی سماعت سول جج عباس شاہ نے کی۔ سہیل آفریدی کے خلاف نیشنل سائبر کرائم انویسٹی گیشن ایجنسی (این سی سی آئی اے) نے پیکا ایکٹ کے تحت مقدمہ درج کر رکھا ہے۔
عدالت نے مزید کارروائی کے لیے کیس کی سماعت 18 جون تک ملتوی کردی۔
