راولاکوٹ میں آزاد کشمیر پولیس اہلکاروں پر ہونے والے پرتشدد حملے اور ایک شہید پولیس اہلکار کی لاش کی بے حرمتی کی ہوش ربا اور خوفناک ویڈیو منظرعام پر آ گئی ہے، جس نے واقعے کی سنگینی کو مزید اجاگر کر دیا ہے۔
ویڈیو کے مطابق کالعدم تنظیم جوائنٹ عوامی ایکشن کمیٹی کے بلوائیوں نے راولاکوٹ میں پولیس اور دیگر قانون نافذ کرنے والے اداروں پر مبینہ طور پر باقاعدہ منصوبہ بندی کے تحت براہ راست گولیاں چلائیں۔ ویڈیو میں پرتشدد حملوں کے مناظر بھی دیکھے جا سکتے ہیں۔
*7جون کو راولاکوٹ میں آزاد کشمیرپولیس اہلکاروں پرتشدد حملے اور لاش کی بے حرمتی کی ہوش ربا اور خوفناک ویڈیو منظرعام پر*
کالعدم تنظیم جوائنٹ عوامی ایکشن کمیٹی کے بلوائیوں نےراولاکوٹ میں پولیس اورقانون نافذ کرنےوالےاداروں پرباقاعدہ منصوبہ بندی کےتحت سیدھی گولیاں چلائیں
ویڈیومیں… pic.twitter.com/oYcG0WJIyY— Siddeeq Sajid (@S_SajidOfficial) June 8, 2026
ویڈیو میں ایک شہید پولیس اہلکار کی لاش کی بے حرمتی کرتے ہوئے بھی دیکھا جا سکتا ہے۔ اس عمل کو مبصرین کی جانب سے انتہائی گھناؤنا اور قابل مذمت قرار دیا جا رہا ہے۔
اس واقعے کے بعد کالعدم جوائنٹ عوامی ایکشن کمیٹی کا مکروہ اور دہشتگردانہ چہرہ بے نقاب ہو چکا ہے۔
اطلاعات کے مطابق بھارتی اسپانسرڈ فتنہ الخوارج کالعدم جوائنٹ عوامی ایکشن کمیٹی کے حق میں اعلامیہ بھی جاری کر چکا ہے، جبکہ بیرون ملک موجود پاکستان مخالف سوشل میڈیا فیک نیوز اور اے آئی سے تیار کردہ مواد کے ذریعے گمراہ کن پروپیگنڈا میں مصروف ہے۔
بھارتی اور پاکستان مخالف غیر ملکی سوشل میڈیا کی جانب سے کالعدم جوائنٹ ایکشن کمیٹی کی حمایت نے ان کے مبینہ بیرونی روابط اور عزائم کو بے نقاب کر دیا ہے۔
ماہرین کے مطابق گزشتہ 48 سے 72 گھنٹوں کے دوران کالعدم جوائنٹ ایکشن کمیٹی کی قیادت کی دہشتگردانہ سوچ اور بھارتی بیانیے سے وابستگی بری طرح بے نقاب ہو چکی ہے۔
ماہرین کا کہنا ہے کہ احتجاج کی آڑ میں قانون نافذ کرنے والے اداروں پر کیے گئے حملوں نے ان کے مذموم اور تخریبی عزائم کو پوری طرح آشکار کر دیا ہے۔
ان کے مطابق لاشوں کی بے حرمتی جیسے مکروہ عمل سے واضح ہوتا ہے کہ ایکشن کمیٹی کا اسلامی روایات اور اخلاقیات سے کوئی تعلق نہیں۔
ماہرین کا مزید کہنا ہے کہ فتنہ الخوارج کا کالعدم جوائنٹ ایکشن کمیٹی کی حمایت میں کھل کر سامنے آنا ان کے ہینڈلر بھارت کی بے چینی کو ظاہر کرتا ہے، کیونکہ آزاد کشمیر میں انتشار پیدا کرنے کی بھارتی کوششیں مکمل طور پر ناکام ہو چکی ہیں۔
