امریکی صدر ڈونلڈ ٹرمپ اپنی 80ویں سالگرہ ایک منفرد انداز میں منانے جا رہے ہیں، جس کے لیے وائٹ ہاؤس کے جنوبی لان میں پہلی بار یو ایف سی (مکسڈ مارشل آرٹس) مقابلے کے لیے خصوصی میدان تیار کیا گیا ہے۔
رپورٹس کے مطابق ’یو ایف سی فریڈم 250‘ کے نام سے ہونے والے اس ایونٹ پر تقریباً 60 ملین ڈالر لاگت آئے گی، جس میں 14 فائٹرز آکٹاگون نامی پنجرہ نما رنگ میں مقابلہ کریں گے۔
یہ بھی پڑھیں:صدر ٹرمپ نے فیلڈ مارشل عاصم منیر کو ایک بار پھر عظیم جنرل قرار دے دیا
امریکی وزیر خارجہ مارکو روبیو نے ایونٹ کو ’امریکی عوام کے لیے تحفہ‘ قرار دیتے ہوئے کہا کہ اسے دنیا بھر میں بڑی تعداد میں لوگ دیکھیں گے۔
وائٹ ہاؤس کے جنوبی لان میں قائم کیے گئے خصوصی میدان کو ’دی کلا‘ کا نام دیا گیا ہے، جو 154 فٹ چوڑا اور 92 فٹ بلند ہے۔ تقریباً 4 ہزار افراد میدان کے اندر جبکہ ایک لاکھ 25 ہزار افراد قریبی مقام پر بڑی اسکرین کے ذریعے مقابلہ دیکھ سکیں گے۔
Its s UFC event, they are building a full octagon cage on the White House South Lawn for UFC Freedom 250 on June 14th, Trump’s 80th birthday and Flag Day.
It’s part of the 250th anniversary celebrations, with big title fights like Ilia Topuria vs. Justin Gaethje.
UFC’s paying… https://t.co/POtrBnCXbA pic.twitter.com/MOpr5zlJ3D
— Patricia 🇺🇸 (@1109Patricia) June 3, 2026
صدر ٹرمپ نے اس ایونٹ کو امریکا کی آزادی کی 250ویں سالگرہ کی تقریبات کے آغاز کا حصہ قرار دیا ہے، جبکہ یو ایف سی کے منتظمین کا کہنا ہے کہ مقابلے کے اخراجات وہ خود برداشت کر رہے ہیں۔
تاہم ناقدین نے اس فیصلے کو تنقید کا نشانہ بناتے ہوئے کہا ہے کہ ایسے وقت میں جب امریکا کو جنگ اور مہنگائی جیسے مسائل کا سامنا ہے، وائٹ ہاؤس میں فائٹ کا انعقاد نامناسب ہے۔
ڈونلڈ ٹرمپ ماضی میں بھی یو ایف سی مقابلوں میں شرکت کرتے رہے ہیں اور اس کھیل کے مداحوں میں ان کی خاص مقبولیت رہی ہے۔
