امریکی صدر ڈونلڈ ٹرمپ نے ایک بار پھر پاکستان کے فیلڈ مارشل عاصم منیر کی تعریف کرتے ہوئے انہیں ایک عظیم جنرل قرار دیا ہے۔
میڈیا سے گفتگو میں امریکی صدر نے کہا کہ میں انہیں جنرل کہتا ہوں۔ وہ ایک جنرل ہیں۔ وہ ایک عظیم جنرل ہیں، اتنے عظیم کہ حقیقت میں وہ فیلڈ مارشل ہیں، جو ایک درجہ اوپر کا عہدہ ہے۔
یہ بھی پڑھیں:پاکستان مذاکراتی عمل میں شاندار رہا، وزیراعظم اور فیلڈ مارشل بہترین شخصیات ہیں، امریکی صدر ڈونلڈ ٹرمپ
ٹرمپ نے فیلڈ مارشل عاصم منیر کی پیشہ ورانہ صلاحیتوں کو سراہتے ہوئے کہا کہ وہ ایک غیر معمولی فوجی شخصیت ہیں۔ اس سے قبل بھی امریکی صدر پاکستان کی قیادت، وزیراعظم شہباز شریف اور فیلڈ مارشل عاصم منیر کے کردار کو سراہ چکے ہیں۔
ٹرمپ کے یہ ریمارکس ایسے وقت میں سامنے آئے ہیں جب پاکستان خطے میں سفارتی رابطوں، خصوصاً ایران سے متعلق مذاکراتی کوششوں میں کردار ادا کر رہا ہے۔
